Lugo, 11 de setembro de 2020. A Secretaria Provincial do PSdeG-PSOE na provincia de Lugo e Deputada Autonómica, Patricia Otero, anunciou hoxe que rexistrou unha batería de iniciativas parlamentarias coas que reclama a creación da unidade de ICTUS no HULA. “Concretamente a través dunha proposición demandamos que se dote ao HULA, nun prazo de 6 meses, dun servizo de garda de neurocirurxía de 24 horas, así como adoptar as medidas para desenvolver por completo o programa Código Ictus no conxunto do territorio galego”, explicou.
A Deputada Autonómica expón que “nos últimos anos de goberno do Partido Popular, tanto Galicia como a provincia de Lugo, sufriron as consecuencias das nefastas políticas sanitarias desenvoltas pola Xunta de Galicia. E comprobamos o desprezo aos servizos públicos con claros exemplos extremos de precarización, con persoal sanitario que chega a asinar máis de 200 microcontratos ao ano”.
Otero aludiu tamén a situación abandono e de desigualdade promovida polo PP, e que tivo como consecuencia “zonas de cobertura insuficiente ou nas que se deixan de prestar determinados servizos, especialmente no rural. Estas políticas sectarias afectaron tamén aos grandes hospitais, nos que durante esta década converteuse nunha noticia habitual as denuncias de colapso nos servizos de urxencias, debido á mala planificación do sistema, como tamén acontece no HULA”.
A secretaria provincial advirte ademais que “no principal centro hospitalario de Lugo, os gobernos do PP ao fronte da Xunta, puxeron de relevo unha situación case que permanente de infradotación de servizos, que non deixaron de ser reclamados polos/as profesionais ou por veciños/as e as entidades agrupadas na Plataforma en Defensa da Sanidade Pública”, lembrou.
Así as cousas relata que “estas unidades teñen importancia como centro de recepción de pacientes derivados desde as urxencias extra-hospitalarias ou doutros hospitais. Xa que os estudos médicos que se coñecen, amosaron que as unidades de ictus melloran as cifras de mortalidade, o proceso de recuperación e ao mesmo tempo diminúen a dependencia das persoas doentes. É ademais é unha medida custo-efectiva, xa que diminúe o tempo de estancia media destas persoas”.
Coas cifras enriba da mesa remarca que “na provincia de Lugo sofren anualmente de ictus unhas 800 persoas, dos máis de 100.000 casos que se rexistran en España. O ictus é a primeira causa de morte nas mulleres, e primeira causa de incapacidade en adultos, e estímase que aínda que a súa mortalidade se vai reducindo, a súa incidencia aumentará nun 27 % no próximo cuarto de século. A pesar destas cifras, e das reclamacións repetidas ao longo dos anos, temos chegado ata hoxe sen resposta e sen ningún compromiso por parte dos gobernos do PP”.
A Deputada di que “tanto as provincias de Lugo como Ourense carecen deste servizo nos seus principais centros hospitalarios. No caso de Lugo, compre lembrar que o HULA non dispón sequera dun neurocirurxán de garda as 24 horas. Coa ironía engadida de que este centro está incluído, como todos os do Sergas, no programa Código Ictus, que busca unha atención temperá e especializada neste tipo de doenza”.
Presentación diante do HULA
Otero fixo esta presentación hoxe venres, diante das portas do HULA, acompañada dunha representación da Federación de Veciños de Lugo que encabezou o seu presidente, Jesús Vázquez, e cos que se comprometera publicamente en rexistrar esta proposta. Ao este encontro tamén asistiron o Deputado no Congreso, Javier Cerqueiro, a Deputada Provincial, Mayra García o Concelleiro de Medio Rural e Deportes de Lugo, Miguel Fernández, así como a responsable de sanidade da Executiva Provincial, Carmen Gómez.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
