Ribadeo, 11 de setembro de 2020. O Concello está levando a cabo obras de aglomerado na parroquia de Covelas, entre Saa e Marelle. O investimento ascende a máis de 62.000 euros.
O alcalde, Fernando Suárez, contou que “agora, aproveitando o bo tempo, desde o Concello de Ribadeo estamos realizando unha serie de obras, neste caso uns aglomerados na parroquia de Covelas, no barrio de Marelle, entre Saa e Marelle. Estamos aglomerando un acceso a explotacións agrícolas de 1.050 metros de lonxitude e por un presuposto de licitación de 62.500 euros. Esta obra foi adxudicada a Construcións Cazás”.
O rexedor subliñou que “temos que valorar moi positivamente porque, dos 62.000 euros, o 55% provén de fondos europeos, o 25% son de fondos municipais, o 12% son de fondos autonómicos e o 5% son fondos do Estado, do Ministerio de Administracións Públicas”.
Suárez Barcia engadiu que “nestes días quedarán rematadas estas obras que contemplan non soamente o aglomerado, senón tamén o pintado e poñer uns cordóns de saburra (zahorra) polas marxes, para que logo a circulación de bicicletas ou de ciclomotores non sexa perigosa”.
O alcalde dixo que “continuamos polo tanto actuando nas parroquias, neste caso nunha do interior, co ánimo de seguir en todas, nas da costa e nas do interior. Seguramente estamos actuando con algo menos de intensidade neste concello, como o resto de concellos, pola situación social e económica que estamos a vivir, pero temos que seguir apostando polo medio rural e polas nosas parroquias”.
O Concello de Ribadeo executa obras de aglomerado na parroquia de Covelas cun investimento de máis de 62.000€
Relacionado
-
Lourenzá celebra unha nova tarde de lecer con Xogando á petanca dentro de Verán na Praza
-
Cariño deseña un dispositivo especial de mobilidade e seguridade para vivir o eclipse e habilita un servizo especial de autobuses.
-
Acisa Ribadeo anuncia a renovación da súa xunta directiva con lista única e paritaria
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
