Ribadeo, 23 de setembro de 2020. O concelleiro de Medio Ambiente, Jorge Díaz Freije, asegurou que a Policía Local está a investigar os danos causados no parque de Pintor Fierros e noutras zonas como na Devesa ou na praia das Illas, onde apareceron dispensadores de hidroxel e papeleiras rotas. O edil critica eses comportamentos incívicos e cualifica de vándalos aos seus autores. O edil subliña que o Concello procedeu a cambiar e colocar 40 contedores novos para a recollida de lixo, tanto no casco urbano como nas parroquias, durante este verán. Deste xeito responde ás críticas vertidas polo grupo municipal do PP.
Díaz Freije contou que “estamos tendo problemas cos dispensadores de hidroxel que cada pouco aparecen rotos, lles pegan patadas ou os rompen e queda todo esparcido polo chan. Paréceme un pouco irrisorio que desde o PP se culpe ao Concello de Ribadeo de que rompan os dispensadores. Iso obedece a certo tipo de comportamento dalgunha xente que actúa desa maneira. Que o PP critique ao Concello por iso, eles saberán”.
O edil nacionalista subliñou que “se está a controlar exhaustivamente o acontecido estes días. Xa a Policía Local anda mirando quen son estes vándalos que están a facer este tipo de actos reiteradamente tanto nos parques como nalgunha área, na Devesa pasou, na praia de Illas fai pouco tamén, etc… Está a sociedade pouco implicada no ben común”.
O concelleiro de Medio Ambiente referiuse de novo á limpeza dos contedores: “temos un programa de limpeza e este verán puxéronse corenta contedores novos tanto no casco urbano como algún na zona rural. Entón pode ser que haxa algún caso puntual, pero traballamos para telos sempre nas mellores condicións posibles. Quero comentar o comportamento dalgún restaurante que tira o lixo as doce da mañá, sen bolsa, cando está o contedor recén lavado, entón ese traballo realizado non serviu para nada. Ese comportamento tamén o estamos a sufrir con algún establecemento de restauración de Ribadeo. Ese tamén é outro comportamento contra o que temos que loitar desde o Concello de Ribadeo”.
Jorge Díaz falou tamén da desinfección en rúas e beirarrúas: “se está a desinfectar dous días á semana, se está pasando polas beirarrúas un par de días á semana, poñemos os mércores porque hai máis tráfico de persoas polo tema do mercado e outro días dependendo da dispoñibilidade do persoal e atendendo a criterios metereolóxicos porque se está chovendo moito a solución acaba diluída e non fai o efecto que ten que facer”.
E engadiu: “estamos traballando. Eu entendo que haxa que saír nos medios, o entendo perfectamente dentro do xogo político, pero hai cousas que seguimos vendo que dá igual o que fagas, que vai estar todo mal”.
O Concello de Ribadeo investiga os actos vandálicos rexistrados nas últimas semanas. Os autores romperon dispensadores de hidroxel e papeleiras en varios parques e praias
Relacionado
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
