Viveiro, 20 de outubro de 2020. O Concello de Viveiro informa aos veciños e veciñas do inicio da execución das obras incluídas no proxecto de reposición do firme nun tramo da Pista Granxa, no lugar de Tilleira, na parroquia de Magazos. Está previsto que as obras de limpeza do vial comecen este xoves, día 22, realizándose as labores de aglomerado o venres 23 de outubro.
O tramo sobre o que se vai actuar é o comprendido entre entre a estrada LU-540 Viveiro (LU-862) – Cabreiros (LU-861) e a pista denominada “Pista da Veiga 2”, cunha lonxitude de 174 metros e unha anchura media de 6,75 metros, sendo a superficie de actuación de 1.174,50 m2.
Esta obra, que ten un orzamento de contrata de 17.071,01 euros, está financiada íntegramente pola Deputación Provincial de Lugo con cargo a remantentes do Plan Provincial Único de Cooperación cos Concellos 2019.
Con motivo da execución desta obra, dende o Concello de Viveiro advírtese que, durante as labores de aglomerado, que terán lugar o venres 23 de outubro, o vial quedará cortado ao tráfico, polo que aqueles veciños e veciñas con garaxes na zona que desexen facer uso dos seus vehículos ese día, deberán retiralos con anterioridade. Así mesmo, rógase precaución ao circular por este vial dende o inicio das obras ata a súa finalización.
Por outra banda, tamén se quere informar que atópase en proceso de licitación o expediente de contratación para a execución das obras de reposición na Pista Veiga 2, tamén situada na parroquia de Santa María de Magazos.
O tramo desta actuación ten unha lonxitude de 305,00 metros e unha anchura media de 5,5 metros, sendo a superficie de actuación de 1.677.50 m2; igual que na obra anterior, realizaranse labores de mellora e mantemento do vial.
Esta obra ten un orzamento de contrata de 25.000,00 euros e está financiada íntegramente pola Deputación Provincial de Lugo, dentro do Plan Provincial Único de Cooperación cos Concellos 2020.
Coa execución destas dúas actuacións, o Concello de Viveiro pretende subsanar as deficiencias que presentaban estes dous viais de titularidade municipal como consecuencia do paso do tempo, as inclemencias meteorolóxicas e, sobre todo, polo tránsito de vehículos e maquinaria, que provocaran un elevado desgaste e deterioro da súa capa de rodadura.
O Concello de Viveiro informa do comezo das obras de reposición do firme nun tramo da Pista Granxa, Tilleira, na parroquia de Magazos
Relacionado
-
Chegan a Vilalba e Castro de Rei os obradoiros contra a desinformación
-
A Xunta desenvolve estes días o programa piloto de vacinación fronte á gripe en 12 centros educativos lucenses
-
O Grupo Provincial Popular leva a Bruxelas as necesidades de Lugo para impulsar o sector primario, a industria e a captación de fondos europeos
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
