Ribadeo, 22 de outubro de 2020. A vicevoceira do Grupo Municipal do Partido Popular de Ribadeo, Elena Sierra, denuncia “o abandono das infraestruturas municipais por parte do goberno local” e, neste caso, sinala como exemplo “o mal estado da rúa Río do Amalló”.
Sierra explica que “o abandono das infraestruturas municipais agrávase nesta rúa onde se pode facer perfectamente unha piscina en cada bache”. Engade tamén outras deficiencias coma “a falta de luz e de beirarrúas”; ademais de que “os peóns se ven obrigados no seu día a día a sortear os contedores do lixo”.
A popular sinala que “o goberno do BNG leva un ano de mandato e aínda non fixo nada de nada” de cara a mellora das infraestruturas municipais. Polo tanto, cre que é hora de que “fagan algo”. Sierra lamenta que “o señor Suárez bote a culpa aos demais, á Xunta ou á Deputación, pero que nunca recoñeza as súas culpas”. É máis, “o señor Suárez agarda que llo dean todo feito porque é o máis doado”, considera.
A vicevoceira do Grupo Municipal Popular recórdalle ao rexedor do BNG que debe traballar para ofrecer os mellores servizos posibles aos veciños e, polo tanto, xestionar do mellor xeito os recursos municipais para manter as infraestruturas en bo estado. “Non se trata de investir só en período electoral”, incide.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
