Foz, 3 de decembro, 2020. Desde esta semana, o Club conta cunha incorporación de luxo, que reforzará, de xeito considerable, a categoría absoluta feminina. A atleta Carla Trillo (Burela, 1984) súmase ao proxecto do ‘Ría de Foz’. Falar de Carla é falar dun exemplo de constancia, sacrificio e superación persoal, tanto no deporte como na vida.
Coa súa incorporación, o ‘Ría de Foz’ gana unha atleta multidisciplinar que se manexa con moita soltura na ruta, no campo a través e no trail, sendo esta última modalidade a que máis desfruta. A seguir, deixamos algúns datos deportivos que revelan a calidade e versatilidade de Carla:
-RUTA/CROSS: Gañadora do circuíto “Tour Mariña” 2018 e 2º posto no 2019, Gañadora do circuíto “Corre con Nós” no 2019 e 2ª no 2018, 2º posto senior no “Campionato de Galicia de 5K en ruta” do 2018, 3º posto senior na carreira “SinSon” 2018 e 3º posto por equipos no Cross Galego das Pontes. Ademais, destacamos as súas mellores marcas: Milla (5’36”), 5K (19’20”) e 10K (39’50”).
-TRAIL: 1º posto no Trail Curto do Comado 2018, 2º posto no Toxiza Gran Trail 2018, 1º posto na CAMOVI de 2019 (21K), 1º posto no Xove Costa Trail (25K) 2019, 1º posto no Trail Mosteiro de Caaveiro 2019 (28K), 1º posto no Trail Longo do Comado 2019 e 2° posto senior no Trail Vía Flavius 2020.
Como se pode ver, a traxectoria e o palmarés deportivo de Carla falan por si sós. O ‘Ría de Foz’ alédase, profundamente, de contar cunha atleta como Carla, convencidos de que será un gran exemplo deportivo para as categorías inferiores.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
