Ribadeo, 16 de decembro de 2020. Este mércores esgotáronse as panchas, que se poderán gastar nos locais adheridos ata o vindeiro 5 de xaneiro. En total foron adquiridos os 5.700 packs postos en circulación en dúas fases, a primeira tivo lugar de outubro ata o 1 de decembro e a segunda deu comezo hai once días.
A moeda local de Ribadeo, a pancha, converteuse nesta segundo edición nun auténtico reclamo. O concelleiro de Desenvolvemento Local, Pablo Vizoso, asegurou que “xa prevíamos que ía ser un éxito, tal e como aconteceu o ano pasado, e agora vemos que así foi. Estamos moi satisfeitos pola acollida e porque esta iniciativa é un revulsivo para o comercio e para a hostalería locais, que están a afrontar este 2020 cargado de dificultades”.
Vizoso Galdo lembrou que “o primeiro lote de 3.700 packs de panchas esgotouse o último día previsto para o remate desta edición, que foi o pasado martes, 1 de decembro. E os 2.000 packs da segunda fase puxéronse en circulación hai once días e rematáronse hoxe. Agardamos que a cidadanía aproveite esta oportunidade para consumir en clave local, tanto no comercio coma na hostalería, e que aposte firmemente polos negocios de Ribadeo nestas datas e tamén no futuro”.
O Concello destinou a esta campaña 57.000 euros máis os gastos de promoción e organización. O edil ribadense subliñou que “o volume de negocio que xeramos coa moeda local de Ribadeo nesta edición é de cómo mínimo 240.000 euros en valor de ventas, cartos que terán repercutido ao longo duns tres meses no comercio, na hostalería, nos servizos… do noso pobo, que neste 2020 tanto o necesitan”.
A campaña das Panchas foi organizada polo Concello de Ribadeo coa estreita colaboración de Abanca e de Acisa e co apoio da Deputación Provincia de Lugo.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
