Madrid, 16 de decembro de 2020. Néstor Rego advirte que o Goberno “non tomou en consideración as alegacións presentadas polo BNG e por outras entidades (centrais sindicais, empresas, institucións públicas) e presenta un proxecto de Estatuto que fica lonxe de asegurar unha tarifa asumíbel, estábel e predicíbel para o sector electrointensivo”.
Aliás, o proxecto deixa moitas incógnitas, especialmente sobre a posibilidade de que os custos que se detraerán da tarifa para a industria electrointensiva (como é o caso das primas ás renovábeis) poida ser repercutido -aínda que sexa de maneira indirecta- ao conxunto dos consumidores e consumidoras, en vez de seren asumidos polos Orzamentos do Estado, como defende o BNG.
As alegación presentadas pola fronte nacionalista defendían subir até 100% as bonificacións de custos como os extrepeninsulares (que fican en 85%) ou os de transporte para países produtores excedentarios de enerxía eléctrica como a Galiza. Parece de sentido común que quen produce e asume os custos sociais e ambientais poida beneficiarse desa produción que, ademais, se sitúa preto das empresas e persoas consumidoras.
Insuficiente tamén a compensación por CO2, para o que se dota un fondo de 200 millóns de euros, en vez de o subir até os 300 millóns que permitiría a Unión Europea, coa agravante de que, ao relaxar as condicións para acceder á cobertura do Estatuto se pasou de pouco máis de 100 empresas a máis de 600, o que prexudica o sector no noso País.
Tampouco o Estatuto estabelece de maneira clara e suficiente as exixencias para as empresas beneficiarias no que ten a ver co compromiso de mantemento e do emprego e da actividade ou para a modernización que redunde en maior eficiencia e redución do consumo de enerxía.
O deputado nacionalista advirte que este proxecto non dará solución á crise da industria electrointensiva na Galiza, que implica risco de perder 5.000 postos de traballo, e sinala que o Goberno “está a incumprir os compromisos establecidos que tiñan por obxectivo garantir a continuidade da actividade e dos postos de traballo”. Rego asegurou que o BNG seguirá traballando para que finalmente poida haber un Estatuto á altura das necesidades.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.