Lugo, 17 de decembro de 2020. O Presidente da Deputación de Lugo, José Tomé Roca, asinou este xoves co Secretario Xeral de Industrira e da PEME do Goberno de España e presidente da Escola de Organización Industrial (EOI), dependente do Ministerio de Industria, Raúl Blanco, tres convenios de colaboración que permitirán á institución provincial contar cun investimento extra de máis de 4M€, procedentes de fondos europeos, para reforzar as políticas de emprego na provincia. O acto de firma, que se realizou de maneira telemática, contou tamén coa presenza do Deputado de Promoción Económica e Social, Pablo Rivera Capón, e da directora xeral da Fundación EOI, Nieves Olivera.
Os proxectos promovidos por ambas institucións a través deste acordos contan cun orzamento de 4.112.207€, achegados nun 85,4% pola Escola de Organización Industrial a través do Fondo Social Europeo e o 14,1% pola Deputación de Lugo.
As accións están dirixidas a 775 pemes e autónomos, 250 parados de longa duración e 600 mozos e mozas, e o seu obxectivo é a reactivación e o apoio aos sectores e colectivos sociais máis afectados pola crise económica derivada da COVID-19.
O Presidente provincial explicou que, grazas a estes convenios “a Deputación poderá desenvolver na provincia plans para favorecer o mantemento do emprego e a creación de novas oportunidades laborais, sobre todo para os colectivos que peor o teñen para conseguilo. Un obxectivo, o mantemento e a creación de emprego, sempre fundamental, pero moito máis nestes tempos de crise provocada pola pandemia”.
Durante o encontro, o Presidente agradeceu a vontade e o traballo da EOI para poder materializar estes acordos e, desta forma, seguir a liña de colaboración que manteñen ambas institucións. Neste senso, lembrou que dende o ano 2013 a Deputación e a Escola de Organización Industrial desenvolveron xuntas distintos programas cofinanciados con fondos europeos. Foi o caso do plan Dinamízache, que permitiu fomentar a innovación e mellorar a competitividade das pemes da provincia, e tamén do LugoWork, que apostou por activar e reforzar a empregabilidade dos mozos e mozas.
Así mesmo, José Tomé subliñou que ante a crise da COVID-19 a Deputación de Lugo reforzou o seu compromiso co mantemento e a creación de emprego. Neste eido, apuntou que dos orzamentos aprobados para o ano 2021 dedícanse un terzo do total a Políticas Sociais, centradas en manter a calidade de vida dos nosos veciños e veciñas. En materia de emprego, os fondos propios elévanse a 5M€, e coa firma destes tres convenios coa Escola de Organización Industrial “contaremos cun financiamento extra de máis 4 M€, polo que vemos redobrada a nosa capacidade para desenvolver políticas de emprego”, subliñou o Presidente.
Dixitalización de pemes e autónomos
Un dos convenios asinados hoxe pola Deputación de Lugo e a EOI busca evitar que se agrande a fenda dixital e axudar a que o tecido produtivo aproveite as oportunidades que ofrecen as novas tecnoloxías. “Con este acordo conseguiremos que, polo menos 775 pemes e autónomos da provincia de Lugo, diversifiquen e modernicen a organización da súa empresa, e tamén tecnoloxicamente”, asegurou Tomé Roca.
Formación de desempregados de longa duración
O Presidente avanzou que dentro do apoio aos colectivos vulnerables, a través do segundo convenio “formaremos a máis de 250 persoas desempregadas de longa duración en sectores con gran potencialidade de emprego na provincia, como son a atención sociosanitaria a dependentes e a renovación xeracional no sector vitivinícola, dado que a Ribeira Sacra, zona de viticultura heroica, sitúase na provincia de Lugo, e que ademais, o próximo ano aspira a ser declarada Patrimonio da Humanidade pola UNESCO”.
Formación de Mozos
“É a nosa obrigación como Administracións ofrecer oportunidades aos mozos que non atopan emprego na súa terra para poder asentar o seu proxecto de vida. Así, co terceiro convenio, máis de 600 mozos participarán en programas de adaptación e fomento do emprego, podendo realizar prácticas non laborais en empresas da provincia, en especial, en entidades do terceiro sector”, explicou o mandatario provincial.
Cooperación entre administracións
Finamente, Tomé Roca remarcou a importancia de que as administracións locais incrementen a súa capacidade para presentar proxectos e para captar financiamento da Unión Europa, aproveitando e desenvolvendo todas as potencialidades do territorio. “Como Presidente da Deputación de Lugo gustaríame que a Xunta de Galicia tivese a mesma actitude de cooperación coas entidades locais que atopamos no Goberno do Estado”, afirmou.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
