Ribadeo, 23 de decembro de 2020. A Banda Municipal de Música de Ribadeo ofrecerá este ano o seu tradicional concerto Aquí como en Viena en dúas sesións, este sábado 26 e o domingo 27, ás 20:30 horas, no auditorio Hernán Naval. As dúas actuacións serán con aforo reducido debido ás restricións sanitarias en vigor. O primeiro dos concertos será só para familiares dos músicos e o segundo para o público en xeral e retransmitirase a través de facebook.
O director da Banda, David Ballester, explica que “a Banda Municipal de Música de Ribadeo vai facer o seu tradicional Aquí como en Viena, pero vai ser diferente pola situación que estamos a vivir e que condiciona a realización do concerto. Dende a asociación Amadores da Música e dende o Concello pensamos que a mellor opción é dividir o concerto en dúas sesións, co cal este ano imos levar a cabo o sábado 26 de decembro ás 20:30 horas no auditorio Hernán Naval unha primeira sesión, que será só para familiares dos músicos, con capacidade limitada. E domingo 27 de decembro ás 20:30 horas celebraremos o concerto para o público en xeral. Debido á situación sanitaria a capacidade vai ser limitada. A apertura de portas será ás oito da tarde e haberá un máximo de dúas entradas por persoa, repartidas en rigoroso orde de chegada, ata completar a capacidade que nos estipulan dende a Xunta.”
O director da Banda manifesta que “o concerto, como sempre, vai ter dúas partes. Tivemos que dividir a banda en dous grupos para poder gardar todas as distancias de seguridade esixidas e poder levar a cabo a actuación coa maior seguridade posible para os músicos. A primeira parte correrá a cargo dos máis mozos da banda, que interpretarán unhas pezas; e a segunda parte, cos máis veteranos, que ofrecerán outras obras típicas deste concerto, como son as polkas e os valses.”
David Ballester comenta tamén: “habitualmente digo que invito a toda a veciñanza a acudir aos concertos, pero neste caso a capacidade vai ser limitada. Dada esa situación o que imos facer, esperemos que nos saia ben, é retransmitir o concerto do domingo 27 por medio da páxina de facebook Fans da Banda Municipal de Música de Ribadeo, para que toda a xente que queira poida seguirnos por esa páxina. É unha situación especial, por iso o facemos desta maneira. Espero que a xente o entenda xa que este concerto é moi concorrido. Oxalá para o ano que vén poidamos celebralo como se merece e como víñamos facendo ata o de agora, que é enchendo de público o auditorio Hernán Naval. Este ano toca facelo así e seguimos adiante coa música da Banda Municipal de Ribadeo.”
A Banda de Ribadeo ofrecerá o seu concerto ‘Aquí como en Viena’ esta fin de semana en dúas sesións polas restricións sanitarias
Relacionado
-
María Teresa Díaz Sanjurjo, veciña de Castropol, gañou un dos premios da campaña da Volta ao Cole de Acisa Ribadeo
-
Mulleres inmigrantes de Foz completan con éxito os cursos de caixeira/repoñedora e camareira de pisos
-
Dobre recoñecemento internacional para Adega Don Pedro Leivas de Riotorto no Salón Internacional de les Sidres de Gala
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
