Viveiro, 26 de decembro, 2020. Seguindo na liña do seu proxecto “Mulleres da Mariña”, que aposta pola dinamización e recoñecemento das mulleres do sector do mar neste territorio, o Grupo de Acción Local do Sector Pesqueiro (GALP) A Mariña-Ortegal presentou este sábado 26 de decembro o seu documental “A muller no mundo da pesca na Mariña Lucense”.
O vídeo documental ten unha duración de 64 minutos e conta con entrevistas a numerosas mulleres que ao longo dos últimos anos participaron activamente do mundo da pesca na Mariña Lucense. O obxectivo deste proxecto é dar a coñecer e por en valor o papel desempeñado pola muller ao longo da historia recente no mundo da pesca nesta contorna: un percorrido pola historia e a evolución das súas condicións laborais e sociais, e as súas inquedanzas.
O documental conta con catro partes ben diferenciadas: unha introducción histórica; a etapa do “labor sen valor” de comezos do século XX; os cinco principais “oficios tradicionais” da muller da Mariña; e finalizando con unha visión da “muller hoxe”, destacando a importante evolución do seu papel no mundo da pesca.
Os autores entrevistados na película son: Antón Niñe, profesor xubilado e autor da Exposición “A muller de Foz no seculo XX”; Herminia Pernas, historiadora e co-autora da “Historia da muller en Galicia”, traballo realizado pola Xunta de Galicia; e Vicente Míguez, profesor xubilado, e Carlos Nuevo Cal, Cronista oficial de Viveiro, autores do libro “Conserveiras de Celeiro, Vicedo, Bares e Barqueiro: a xénese industrial”.
Unha parte do documental céntrase nos cinco principais oficios ós que a muller da Mariña dedicou a súa ocupación, coa entrevista de 18 mulleres que ao longo da súa vida desempeñaron o traballo de bodegueira na descarga do peixe; pescantina coa venta porta a porta; as traballadoras da salazón e conserva; mariscadoras ou labregas do mar; e redeiras ou artesanas do mar.
Para destacar a importancia actual no sector da pesca interveñen 5 mulleres que se dedican profesionalmente a oficios de extracción, manipulación e comercialización, explicando as tarefas que desempeñan nas súas empresas. Precisamente algúns destes proxectos empresariais dirixidos por mulleres foron postos en marcha grazas ao apoio do GALP A Mariña-Ortegal.
Para salientar o papel da muller na administración, o documental conta, entre outras, coa participación da Directora Xeral de Pesca, Acuicultura e Innovación Tecnolóxica da Consellería do Mar da Xunta de Galicia, Mercedes Rodríguez, que narra a súa experiencia vivida desde a súa infancia no porto de Foz ata o papel que desempeña na actualidade.
Debido ás condicións sanitarias actuais, a estrea deste documental celebrouse de maneira virtual, e xa está disponible para ver libremente en Youtube:
[Ver vídeo teaser: https://youtu.be/j5ll-D3aOgA ]
[Ver documental: https://youtu.be/sshSvyEjN_0 ]
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).