Burela, 21 de xaneiro de 2021. O Concello realiza estes días traballos de saneado no Parque dos Indianos. A grava que había nalgunhas zonas vaise cambiar por terra vexetal, sementarase herba natural e dotarase de novas plantas e árbores. Estas obras fanse con medios propios e co persoal das Concellarías de Medio Ambiente e de Obras. Jorge Díaz pide desculpas polas molestias que se poidan ocasionar aos usuarios do Parque dos Indianos.
O edil de Medio Ambiente explicou que “en primeiro lugar estase facendo a retirada dunha especie de grava que tiñan varias partes dese parque, onde había vexetais secos, para despois facer un recheo con terra vexetal e plantar novas árbores e plantas”.
A duración dos traballos dependerá da climatoloxía: “estes traballos van durar bastante porque, debido ao estado no que se atopaba o terreo, hai que deixar que se osixene e volver pasar outra vez a pala. Polo tanto calculamos que nuns dous meses aproximadamente, dependendo da meteoroloxía que teñamos, estea todo rematado e quede cunha mellor presenza. Farase tamén un sementado de herba natural para todas as zonas onde non haxa árbores nin plantas”.
Jorge Díaz pide desculpas polas molestias ocasionadas aos usuarios do Parque dos Indianos: “que perdoen as molestias os veciños que usaban ese parque porque durante o tempo que duren as obras non van poder pasear nin sentarse alí. Pero unha vez que estea rematado poderán facelo en mellores condicións”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
