A verdade que neste ano largo que levamos de malas noticias nos eidos da saúde, da economía e do medio ambiente, ler no mesmo titular “medio ambiente” e “participación veciñal” fíxome sorrir de satisfacción e correr a ler a proposta de nova ordenanza ambiental. Era tempo, porque a ordenanza vixente -chea de grallas e incoherencias- quedou fai tempo obsoleta no que respecta tanto ás prácticas coma ás infraestruturas e instalacións do noso Concello. Aínda máis, datando do 2006 e coas sancións en pesetas, pódese dicir que naceu xa obsoleta.
Moito mudou desde aquela a normativa ambiental a todos os niveis e na nosa comprensión da problemática dos residuos: os vertedoiros rebosantes, as dioxinas da incineración e as illas de plástico nos océanos. Xa cedo, no ano 2008, chegou a Directiva Europea de Residuos (a das tres R), aprobándose despois un Plan Estatal e outro Autonómico, con obxectivos de redución e reciclaxe das distintas fraccións para o 2020 sen que nos déramos por aludidos.
Máis coñecemento, máis sensibilización e máis obrigas legais crean o marco idóneo para dar un salto de calidade na xestión dos residuos do noso Concello. Por iso sorprende que a proposta de nova ordenanza sexa só unha posta ó día do que xa existe, acompañada dunha serie de propostas de novas obrigas e sancións -algunha dando xa lugar ó chascarrillo- de dubidosa viabilidade se pensamos que as vixentes, menos esixentes, nunca foron adiante.
Que dicir dela? Primeiro, que sería convinte mudarlle o nome, xa que non fala de protección ambiental entendida de xeito global. Non fala de ruido, de rios, de fragas, de espazos protexidos, nin menciona os eucaliptos, os lumes, as fontes ou o glifosato. Fala do que fala, de residuos e limpeza viaria.
En segundo lugar, a proposta (repito, unha necesaria actualización da vella ó existente) non plantexa corrixir algunhas das eivas do noso funcionamento actual, como a pervivencia das papeleras “todo en un” mesmo en lugares sen recollida e espazos naturais, a ineficiente recollida de residuos no rural -onde priorizamos os colectores de restos fronte ós da separación-, a carencia dun servizo oficial e legal de recollida de cans abandoados.
En terceiro, mesmo corrixindo esas eivas a ordenanza vai nacer obsoleta se non reflicte un cambio de modelo de xestión dos residuos para afrontar os retos deste século. Unha ordenanza de residuos en 2021 debe falar de frear a obsolescencia con pedagoxía e reparación, da compostaxe da fracción orgánica, da devolución de envases ou da recollida porta a porta no rural…
En conclusión, apróbese esta ordenanza como punto de partida -non podemos seguir coa vella- pero ábrase a continuación o debate sobre como imos afrontar a transformación do noso modelo de xestión para dar cumprimento ás obrigas éticas e legais de redución da nosa pegada ambiental como xeradoras de residuos. A proposta publicada dá a entender que tal debate non chegou aínda ó Pazo de Ibáñez.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
