Muras, a 22 de febreiro de 2021. A voceira do Grupo Municipal do PP de Muras, Eugenia Requeijo, critica que “o goberno local de PSOE e BNG aprobe dirixir a maioría do Fondo de Compensación Ambiental ao núcleo de Muras e non ao resto das parroquias” e tamén que “propoña proxectos non prioritarios neste momento coa situación sanitaria que estamos vivindo debido á covid-19 e as consecuencias económicas e sociais que ten para os veciños de Muras”.
A voceira dos populares critica que “as propostas do equipo de goberno se centran sobre todo en Muras: na praza da Galeguidade, praza de Vilalba, parque biosaudable e área recreativa”. Eugenia Requeijo non considera prioritario dirixir 53.000 euros a “dar cor e alegría” -como defenderon dende o goberno local- en parques e xardíns de Muras porque “suporá gastos de mantemento”.
A popular non considera tampouco apropiado “nestes momentos” instalar dous puntos de recarga para vehículos eléctricos, un en Muras e outro no Viveiró cun investimento de máis de 36.000 euros; xa que “ó único vehículo 100% eléctrico que hai en Muras é o do Concello”. Na mesma liña, critica que “o goberno local plantexe facer un apiario experimental porque as abellas e o mel requiren coidados” e “non é o momento para iso porque os recursos municipais se deben dirixir principalmente a apoiar aos veciños que poidan necesitar axuda para saír desta crise”. Así mesmo, a voceira do PP local engade que “tampouco é o momento para realizar un estudo sobre a pegada do carbón no noso concello”.
Responsabilidade para xestionar “unha achega moi importante da Xunta”
Eugenia Requeijo explica, por outra banda, que “a Xunta achega a Muras unha cantidade moi importante correspondente ao canon eólico”; xa que “supera os 500.000 euros” e, polo tanto, pide ao goberno local “responsabilidade” á hora de decidir a que iniciativas dirixir eses fondos en beneficio dos veciños de Muras.
A voceira do Grupo Municipal do PP si que considera axeitados outros proxectos plantexados como é o caso “da creación de cinco postos de emprego no Concello, as traídas de agua e a rede de saneamento de aguas residuais no Viveiró, a colocación dunha caldeira de biomasa no colexio ou as actuacións contempladas para a área recreativa da Veiga”, por exemplo.
O que lamenta Eugenia Requeijo é que “coa situación sanitaria que estamos vivindo debido á covid-19 e as súas consecuencias económicas e sociais”, o goberno local non priorice a prestación de servizos aos veciños de Muras.
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
A cita previa pode solicitarse a través do teléfono 981.928.080 ou da web 
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
