Se non nos deixamos enganar polos fogos de artificio que sempre acompañan ás decisións do Goberno de PSOE e Podemos, observaremos que detrás de todo ese esforzo de marketing, sustentado nos centos de asesores a soldo da Moncloa, a improvisación e a falta de reacción segue a ser o sinal de identidade do Executivo de Pedro Sánchez.
Improvisación que tamén aplican á hora de poñer en marcha un plan de rescate estatal para apoiar aos profesionais do turismo, da hostalería, da restauración ou do pequeno comercio, afectados pola pandemia da covid-19.
Empresas e autónomos, hoxe unha vítima máis da situación, non merecían estar esperando semanas a que o Goberno central, en liortas continuas entre os seus socios, se puxera de acordo para aprobar estes apoios. E moito menos, merecen que o resultado desa negociación sexan axudas que chegan tarde e cunha contía menor á esperada.
A Moncloa penaliza á hostalería e comercio galego aplicando criterios de reparto que se traducen en novos recortes para Galicia: como mínimo, 110 millóns de euros menos do previsto. Isto é un terzo do que realmente nos correspondería nun reparto xusto. Atopámonos ante unha decisión arbitraria, deseñada con criterios subxectivos, que o único que xera é desconfianza e inestabilidade.
En contraste, mentres o Estado discutía a Xunta de Galicia actuaba con feitos: aprobou en tempo récord apoios por valor de 160 millóns de euros, abonou ao abeiro do primeiro plan máis de 33.000 axudas e puxo en marcha unha segunda convocatoria de apoios, con menos requisitos e de tramitación máis sinxela.
Hoxe só hai unha certeza: Un ano despois do inicio da pandemia non saíu nin o primeiro euro de axudas directas da caixa do Goberno central e incluso é moi dubidoso que as contías prometidas acaben por materializarse en apoios concretos nun prazo razoable de tempo.
En resume, fronte á incerteza do Goberno central, o Executivo autonómico que preside Alberto Núñez Feijóo foi quen de actuar con eficacia e seguridade, e seguirá traballando de xeito efectivo en caso de que así o precisen estes sectores no futuro. Galicia volve a marcar a diferenza.
José Manuel Balseiro
deputado no Parlamento de Galicia
e voceiro de Emprego do Grupo Popular
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
