CERVO .- A asociación de veciños de Cervo Sargadelos fai público so seu apoio a Plataforma en defensa da Sanidade da Mariña seguindo o acordo adoptado na súa última asemblea xeral.
NOTA DE PRENSA
ASOCIACIÓN DE VECIÑOS DE CERVO E SARGADELOS APOIA
A PLATAFORMA EN DEFENSA DA SANIDADE DA MARIÑA
Esta Asociación de Veciños cree que unha boa sanidade pública é
unha das maiores contribucións o benestar e a xustiza social. E
que para conseguir esta meta hai que apostar por ter unha Area
Sanitaria na Mariña mais potente e resolutiva, con profesionais
implicados, competentes e satisfeitos, que afronten os novos retos
sociosanitarios nas mellores condicións. Sen embargo, a realidade
é que vimos asistindo a un deterioro progresivo da atención
sanitaria nesta comarca, e agora dende a Consellería de Sanidade
da Xunta de Galicia preténdese crear para a provincia de Lugo,
unha área sanitaria ÚNICA, o que suporá a centralización da
xestión tanto hospitalaria coma dos centros de saúde en Lugo,
facendo que todos os usuarios da Mariña, que abarca 14 concellos,
pasarían a ter como primeiro Hospital de referencia o Hospital de
Lugo, a uns 100 Kms de Burela e uns 90 minutos en tempo de
desprazamento en coche. Por todo isto, en base a esas decisións,
daríanos as seguintes consecuencias directas:
– Unha xerencia asentada en Lugo, pola súa distancia, sería unha
gran descoñecedora dos problemas que xurdisen nos centros da área
da Costa, coma xa pasa con outros servicios.
– E tamén, si esta xerencia única está emprazada en Lugo, podería
por en cuestión investimentos tanto no propio Hospital como nos
Centros de Saúde da Costa.
– Por outra banda, unha xerencia única instalada en Lugo, e diante
da escaseza de certos especialistas, implicaría desprazamentos
constantes de poboación da Costa á capital, o que levaría consigo
unha perda de calidade de vida, ademais de ter que asumir gastos
de desprazamento, e incluso de hospedaxe, e dicir, volver o que xa
vivimos fai máis de 20 años.
Por todos estes motivos a creación da Xerencia Única de Lugo,
crearía unha diminución de calidade asistencial que se lle presta
á poboación da Mariña e non pode consumarse porque sería avanzar
no desmantelamento de servizos da Mariña, particularmente en algo
tan importante como na atención sanitaria.
E polo que esta Asociación de Veciños de Cervo e Sargadelos,
seguindo o acordo adoptado na súa última Asemblea Xeral, apoia as
revindicacións da Plataforma en Defensa da Sanidade Pública na
Mariña:
• Unha área de Xestión Integrada Única propia da Mariña.
• Unha aposta firme e decidida por esta comarca coa ampliación
real do Hospital da Costa e número de camas, implantación da
Unidade de Oncoloxía, ampliación de Hemodiálise, pleno
funcionamento da Consulta Maior Ambulatoria, unha Resonancia
Magnética fixa, a hospitalización a domicilio, a posta en
funcionamento dos servizos de tarde, os aumentos de persoal e
por suposto o reforzo e mantemento de tódolos servizos e
unidades existentes tanto de Atención Primaria como de
Especializada.
• Un xerente de Area Integrada Única de Burela e non un Xerente
Executivo que sería unha mera figura representativa.
Para así de este xeito, poder seguir loitando por unha Sanidade
Pública universal e de calidade, que foi a base fundamental para o
desenrolo do Estado de Benestar e un dos piares para asegurar a
solidariedade e a equidade dentro dunha sociedade.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
