Foz, 20 de marzo de 2021. O Concello de Foz, seguindo co seu traballo de actualización, presentou hoxe, sábado, a súa nova imaxe corporativa, que irá introducíndose en todas as súas comunicacións pouco a pouco.
O alcalde, Fran Cajoto, explicou que “esta imaxe, que pretende renovar, unificar e simplificar, consta dun logotipo que une os símbolos do municipio. O mar, os barcos e as árbores na terra, signos distintivos da historia focega forman parte deste novo logo. Todo cun pantone de tons granates, xa familiarizado con outras imaxes do concello. Ademais disto o número 9, que aglutina a todas as súas parroquias, está presente nos mastros do barco e nas copas das árbores”.
O rexedor municipal engadiu que “Foz mantén intacta a súa heráldica (isto é escudo e bandeira). É importante subliñar que isto é só un logotipo máis simplificado, para modernizar a imaxe e ter un manual de uso dela”.
As normas de uso desta nova imaxe recóllense nun manual de identidade corporativa, que estará a disposición de toda a poboación na web municipal.
Cajoto comentou tamén que “é un primeiro paso para traballar con uniformidade, mentres se segue o proceso de creación do novo portal cidadán, a web para información e trámites co Concello, que en pouco estará activo e a disposición de todo o mundo, despois de tantos anos do actual, xa moi obsoleto”.
Para rematar o alcalde destacou que “anos atrás o Concello de Foz xa creara unha marca, na que estaba presente o escudo. Agora esta imaxe actualízase, buscando unha percepción máis moderna dunha institución e un pobo con historia, preservando sempre a integridade existente nos símbolos do pobo, infundindo unha enerxía nova e actualizando a imaxe institucional do municipio. Foz seguirá traballando con paso firme na mellora continua”.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
