Foz, 31 de marzo de 2021. O Concello de Foz continúa coa súa política de mellora de infraestruturas nas distintas parroquias do municipio e agora aglomerou viarios en Cangas, Nois, Fazouro e San Martiño.
O alcalde, Fran Cajoto, explica que “o Concello de Foz ten máis de 500 quilómetros de camiños e vías públicas. Non podemos esquecernos do rural, o municipio abrangue algo máis de 100 quilómetros cadrados de territorio e fóra do casco urbano vive máis do 40 por cento da poboación do concello”.
Con cargo ao Plan Único 2020 da Deputación procedeuse ao aglomerado de viais en Cangas, Nois, Fazouro e San Martiño. Os camiños nos que se renovou o firme son os seguintes:
Camiño de subida a Mourente desde a estrada LU-P-2001, na parroquia de San Martiño, cunha lonxitude de 360 metros de actuación.
Camiño entre Vilarmea e a Rúa, en Fazouro, con 165 metros de lonxitude.
Camiño da Vía, en Cangas, no que se aglomeraron 105 metros de lonxitude.
Núcleo de Carpacide, en Nois.
En próximos días procederase á disposición da sinalización vertical e horizontal nestes camiños, pintándose a totalidade das marxes e as marcas viais necesarias.
O rexedor municipal recorda que a semana próxima comezarán os traballos de arranxo de firme nos accesos a Foz desde Marzán e Vilaxoane. “Unhas zonas con moitos baches e co firme en malas condicións, nas que vamos actuar naqueles tramos máis deteriorados. Os accesos que temos á vila non se corresponden coa importancia e a densidade de poboación que ten o núcleo urbano de Foz”, indica Fran Cajoto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
