Viveiro, 9 de abril, 2021. A formación nacionalista vén de rexistrar unha iniciativa no Congreso reclamando ao Ministerio de Asuntos Económicos e Transformación Dixital a inclusión das zonas singulares da Galiza, como o caso do Concello de Viveiro na listaxe de zonas brancas e grises e a activación das actuacións naquelas xa incluídas. Alén do máis, o deputado do BNG no Congreso exixe que o Ministerio garanta a cobertura dixital do medio rural tendo en conta os fondos FEDER que a Unión Europea acaba de aprobar para lograr a conexión do total da poboación.
O BNG recolle as demandas da veciñanza do rural de Viveiro que carece de acceso a internet e exixe ao Goberno do Estado unha solución tecnolóxica para os núcleos do rural que aínda non teñen cobertura. O deputado do BNG no Congreso, Néstor Rego, exixe ademais ao Ministerio de Asuntos Económicos e Transformación Dixital que actualice o mapa das zonas brancas e grises.
“No Concello de Viveiro, por exemplo, existen preto de 50 núcleos rurais que non foron incluídos en ningún dos proxectos empresariais subvencionados polo Programa de Extensión de Banda Larga de Nova Xeración 2020” explica o deputado nacionalista. Moitas destas actuacións carecen de información suficiente sobre o plan de traballo e o tempo de realización das obras detalladas no proxecto aprobado polo Ministerio. “Queremos saber o motivo da exclusión destas zonas do Concello e cando incluirán o resto de núcleos de poboación na relación de zonas brancas nas próximas axudas para a extensión da banda larga que precisa a veciñanza de forma urxente” sinala Rego.
A xuízo do deputado do BNG, o Plan de Banda Larga Ultrarrápida “debe ter carácter universal e por tanto é preciso activar unha liña de subvencións para dotar do servizo de internet todos os núcleos de poboación rural que, a día de hoxe, non teñen conexión e que mesmo están illados e sen clasificar nas zonas brancas ou grises”. Por este motivo, a formación nacionalista exixe ao Ministerio que actualice o mapa de zonas de todos os concellos da Galiza e rectifique as que foron clasificadas erroneamente e non comunicadas por parte dalgunhas das administracións e incorpore as que aínda non se encontran clasificadas.
Alén do máis, o deputado nacionalista reclama que o Ministerio cumpra a súa función de velar “por lograr a cobertura dixital do medio rural en Viveiro e en toda a Galiza, tanto para o acceso á banda larga de internet como para unha boa cobertura de telefonía móbil, tendo en conta que os fondos FEDER acaban de ser aprobados pola Unión Europea para conseguir a conexión do total da poboación e garantindo o carácter universal do Plan”.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
