O alcalde de Ribadeo, Fernando Suárez, asinará en breve coa Consellería de Medio Ambiente un convenio de colaboración para a adquisición dun camión para a recollida do lixo que sustituirá ao máis antigo que operaba na actualidade en Ribadeo. Suárez Barcia asegura que <tiñamos dous camións no Concello, un deles está esgotado material e físicamente, ten uns trinta anos e últimamente non pasaba nin a ITV e ocasionáballe un gasto de reparación tremendo ao Concello>. O rexedor lembra que <levamos un tempo falando con Medio Ambiente para que nos axudara e tivemos unha reposta satisfactoria. Debo valorar moi posivamente a cifra acadada que chega aos 120.000 euros. É unha cifra moi importante, que ainda que non cumplimenta o 100% do custe do camión, sí que cubrirá unha parte moi importante>.
O alcalde considera que a situación de Ribadeo <nesta materia era extrema, xa que co incremento da poboación e da recollida é indispensable que o municipio conte con dous camións do lixo. Temos un que é do ano 2002 e que está moi e outro que ten 30 anos e que será sustituido por este novo, que pretendemos destinar ás parroquias fundamentalmente debido a que pola súa dispersión e número de kilómetros necesitamos un camión novo, potente e con capacidade para que dunha recollida se retire o lixo en todas as parroquias sin necesidade de ir descargar á planta de transferencia e voltar a facer outro circuito>.
Fernando Suárez valora <positivamente as xestións realizadas polo voceiro do PSOE no Concello, Balbino Pérez Vacas diante da Consellería de Medio Ambiente, dado que o seu titular é do PSOE e Balbino atendeu as nosas peticións e realizou as xestións necesarias que nos permitiron chegar a esa cuantía da que falaba anteriormente>.
O novo camión para a recollida do lixo que podería ter un custe aproximado aos 150.000 euros podería estar traballando en Ribadeo a finais de ano, segundo as estimacións do alcalde.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
