Lugo, 1 de xuño de 2021. A área de Deportes levará a Xunta de Goberno do vindeiro venres as bases da Copa Deputación de Fútbol, que permitirán aboar aos clubs as cantidades correspondentes ás eliminatorias que xogaron antes da suspensión da competición en marzo de 2020.
A declaración do estado de alarma impediu a disputa das semifinais e finais da competición nos termos previstos en edicións anteriores e, polo tanto, que as entidades deportivas recibisen os ingresos correspondentes á súa participación no torneo.
O procedemento que se aprobará na vindeira Xunta de Goberno habilitará á Deputación de Lugo para tramitar o pagamento aos clubs de Preferente Autonómica Masculina, Primeira Autonómica Masculina, Terceira Autonómica Masculina, Primeira División Feminina Galega e Segunda División Feminina Galega que xogaron o torneo.
Efrén Castro reuniuse este luns con representantes das entidades para avanzarlles os pasos dados pola área de Deportes para cumprir o compromiso adquirido de buscar alternativas para aboarlles os ingresos previstos.
Na xuntanza, á que estaban convocados todos os clubs e á que asistiron, en quendas, representantes de máis de trinta entidades, o deputado agradeceulles “a confianza amosada neste tempo” e reiterou “o compromiso da Vicepresidencia da Deputación de Lugo co tecido deportivo da provincia, mantendo o investimento neste torneo e en todas as convocatorias de concorrencia previstas para o ano 2020, ao contrario do que fixeron outras administracións”
Segundo se establece nas bases, cada club recibirá entre 385 e 600 euros por cada eliminatoria, en función da categoría e a súa condición de visitante ou local nos partidos disputados.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
