MADRID (FNC) .- O concelleiro de Medio Ambiente, Horacio Cupeiro, amósase moi satisfeito coas Q de calidade que recibiron as praias de As Catedrais e As Illas-Castros. O edil, que recolleu este mediodía os galardóns en Madrid, anima ao sector turístico a loitar por este recoñecemento nos seus establecementos.
Horacio Cupeiro suliñou desde Madrid que “unha vez máis as praias do noso concello vense galardoadas coa Q de calidade turística e tamén contaremos tanto nas Catedrais como nas Illas-Castros coa certificación Emas da ISO 14001 de medio ambiente”.
O concelleiro nacionalista manifestou que “a Q de calidade obriga aos Concellos a implicarse moito nos servizos que se prestan tanto na auga como na area. Este esforzo que teremos que facer, ainda con crise e todo, será grande. Un pode ser pobre, pero por iso non ten que ser porco e desaliñado. Debemos seguir loitando por un turismo sostible que respecte o litoral e a biodiversidade, algo que sen dúbida debemos preservar”. O responsable de Medio Ambiente considera que “para continuar na elite turística debemos traballar na calidade porque a día de hoxe hai moita competencia, debemos recordar que a Q de calidade é un elemento diferenciador onde o Estado, as Comunidades Autónomas, os Concellos e os empresarios turísticos debemos loitar”.
En total foron 152 praias de todo Estado as que conseguiron este galardón, 34 máis que o ano pasado e entre elas atópanse areais de Ribadeo, Foz e Viveiro. Cupeiro animaou “ao sector turístico a loitar pola Q de calidade dentro do seu propio establecemento e a que contribúan xunto co Concello na defensa dun turismo cultural, gastronómico, de natureza e urbanístico para loitar contra a temporalidade no sector. Hai moito que facer para que poidan traballar durante todo o ano e non só no verán e na semana santa”.
O ministro de Industria, Turismo e Comercio, Miguel Sebastián, foi encargado de entregar as Q de calidade. Acompañárono no acto o secretario de Estado de Turismo, Joan Mesquida, e o presidente do ICTE (Instituto para la Calidad Turística Española, Miguel Mirones
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
