Lugo, 23 de xuño de 2021. Os populares lucenses lamentan que José Miñones “viñese a Lugo a verse con Tomé e alardease de inversión cando o seu Goberno desoe aos traballadores de Alcoa, elimina as variantes para a chegada da Alta Velocidade á provincia e non cumpre coas autovías”. Por este motivo, dende o PP consideran que a visita do delegado co presidente da Deputación “aínda nos deixa máis preocupados”, definíndoa como “unha ultraxe aos intereses da nosa provincia”.
É por este motivo, polo que os populares “non queren permanecer impasibles ante tal despropósito, e anuncian que rexistrarán un Proposición Non de Lei no Congreso dos Deputados para instar á Sepi e á ministra a que cumpran os acordos para o mantemento dos empregos e da produción da factoría de San Cibrao, ao tempo que confirman que estarán presentes na manifestación convocada polo comité para este domingo.
“Teatrillo que asusta e roza o insulto”
“Pensamos que sería de respecto aos traballadores e á comarca da Mariña vir a Lugo e anunciar algunha solución, pero co único que nos atopamos é cun teatrillo que, con total humildade, nos asusta e roza o insulto”. Os populares fan esta valoración “coa cifras enriba da mesa”, pois “Sánchez reduciu o investimento en Galicia nun 11% con respecto aos Presupostos Xerais do Estado aprobados por Rajoy no 2018 e, pola contra, disparouno un 48% en Cataluña. Ese era o inicio do pago do pacto que, como vimos no día de onte coa aprobación dos indultos, está pagando con creces o apoio dado polos independentistas”, afirman.
As infraestruturas, “sacrificadas”
Extrapolando a reflexión á provincia, o Goberno “sacrifica as infraestruturas que tiña proxectadas”. Só contemplan o remate da A-54 que nin tan sequera se vai a producir no prazo fixado. Polo que respecta, á da Mariña (A-74), fronte aos 3,6 millóns consignados en 2018 polo Partido Popular, o Goberno actual aplica unha redución do 87 %, ao incluír só 400.000 euros. O mesmo acontece coa a A-56, fronte aos 10,8 millóns de 2018, en 2021 só figura unha partida de 450.000 euros; o que supón unha redución do 96%. No caso da A-76, o investimento é dúas veces menor: 100.000 euros en 2021, fronte aos 336.000 de 2018.
En materia ferroviaria, o Goberno de Miñones rexeitou as emendas dos populares, dotadas con máis de 32 millóns para impulsar o tráfico por ferrocarril na provincia e a construción das variantes de Rubián e Os Peares que posibilitarían a chegada da alta velocidade a Lugo.
“Visita mal enfocada”
Por tanto, dende o PP non entenden “a que veu delegado onte a Lugo. Foi unha visita que mal enfocada, pois tampouco podemos aprobar o argumento sanitario, xa que as competencias nesta materia tenas a Xunta e, sen ningún tipo de dúbida, se algunha administración estivo a altura en Galicia e en Lugo, en particular, na xestión da pandemia, esa foi a que pilota Núñez Feijóo”.
A nivel fiscal, os populares, tampouco “compran” a mensaxe do delegado. Cos orzamentos presentados para a provincia, o incremento da fiscalidade está a repercutir negativamente nos petos dos lucenses”. Como exemplos citan a suba da luz; o incremento dos 4 céntimos no imposto do gasóleo; a suba da taxa de prima de seguros; o imposto de bebidas gaseosas e aos plásticos non reciclables; ou a rebaixa da bonificación no IRPF dos plans de pensións.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
