Ribadeo, 3 de xullo de 2021. Esta mañá foi izada a bandeira azul na praia das Catedrais. No acto interviñeron o alcalde, Fernando Suárez, e o presidente de Adeac, José Palacios.
O rexedor dixo que “estamos orgullosos polo que significa, porque levamos moitos anos recibíndoa. Nalgún momento esta praia non a tivo, tentamos corrixir os fallos e desde aquela estámola renovando cada ano. Supón para nós un orgullo moi grande ver tantos socorristas, aínda que non son todos os que necesitabamos, porque como sabedes queriamos cubrir o servizo con 17 e a día de hoxe temos 13. E temos unha nova convocatoria andando para ver si é posible que veña algún reforzo máis para que poidamos dar o mellor servizo”.
Suárez Barcia sinalou que “en todo caso nestas praias de bandeira azul tentaremos dalo sempre, se non é posible teremos que arriar a bandeira, pero vamos tentar que ningún dos días do verán pase iso”. Ademais das Catedrais tamén conseguiu a bandeira azul o areal de As Illas-Os Castros. E o distintivo azul foi renovado polo paseo que une As Aceas coa Illa Pancha.
O alcalde de Ribadeo destacou que “no momento actual, no momento que vivimos, momento de reconstrución dalgunha maneira, a importancia que supón a bandeira azul como garante de calidade e de servizos. E qué mellor servizo á cidadanía e a todos e todas os que nos visiten durante este longo verán que verse arroupado por tanto profesional, de socorrismo, de atención sanitaria, de atención turística… entre todos e todas vamos seguir poñendo a Ribadeo no mundo como unha estreliña pequeniña, pero que sigue brillando e brilla para todo o mundo”.
O presidente de Adeac, José Palacios, manifestou que “es una satisfacción ver que hay muchas cosas que se están logrando, estamos logrando disminuir al máximo el número de muertes por cualquier motivo en las playas con bandera azul en el litoral español. Y es porque exigimos criterios de calidad, como ha comentado el alcalde”. E dirixiuse aos socorristas: “lo más importante de vuestro trabajo es la prevención, después de eso si tenéis que hacer algún rescate hacedlo con garantías y finalmente los primeros auxilios. De las 200.000 intervenciones que se hacen de primeros auxilios en las playas españolas con bandera azul, solo el 1,8% son derivadas a los hospitales”.
Asistiron ao acto do izado da bandeira azul na praia das Catedrais o presidente do Real Club Náutico de Ribadeo, Juan Calvo-Sotelo; o presidente e o xerente de Acisa, Francisco Iriarte e Jesús Pérez; representantes das asociacións veciñais da Devesa; e os concelleiros de Medio Ambiente e Turismo, Jorge Díaz e Pablo Vizoso. A bandeira foi izada por Rodrigo Fernández, un neno madrileño, que se atopaba na zona cos seus pais. O alcalde, Fernando Suárez, agradeceulles a todos eles a súa presenza.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
