Santiago de Compostela, 11 de Xuño 2021. En pleno período estival moitos concellos non poden abrir as súas piscinas municipais por falta de socorristas, unha cuestión que afecta especialmente aos municipios do interior onde a piscina pública é unha das poucas alternativas de lecer que permite combater as altas temperaturas en moitas vilas do País. Manter pechados estes establecemento por falta do persoal que garanta un ocio con seguridade supón, por tanto, un prexuízo evidente para a veciñanza.
“Son varios os concellos da comarca de Valdeorras que, ante a imposibilidade de atopar socorristas, renunciaron á apertura das piscinas públicas, advertencia que para futuros anos xa realizaron outros moitos concellos galegos”, explica a modo de exemplo o deputado por Ourense, Iago Tabarés, que traslada este asunto ao Parlamento a través de varias iniciativas con dúas demandas concretas ao Goberno galego: cursos de formación de socorristas e anticipación nas liñas de axudas aos concellos para a súa contratación.
“O que reclamamos e que a Xunta fomente e subvencione a organización de curso de socorrismo que permitan a obtención do Certificación Profesional de Socorrismo e, por outro lado, que a resolución da convocatoria de axudas destinadas aos concellos para contratar este persoal en praias, piscinas e espazos fluviais non se demore máis alá do mes abril do ano da contratación”, explica Tabarés.
Igualmente, o deputado nacionalista fai fincapé na necesidade de que por parte da Administración se contribúa a garantir as condicións laborais deste colectivo e a “dignificar” dunha actividade “fundamental para un ocio seguro da veciñanza e para que esta dispoña de lugares de lecer seguros na época de verán”.
A normativa en vigor establece que as piscinas de uso público deben contar co servizo de socorrista, un requisito que está levando, advirte Tabarés, á renuncia de moitos concellos á apertura da piscina municipal, co prexuízo que tal implica tal decisión para a poboación. Pero ano tras ano se repite esta dificultade sen que a Xunta tome medidas para corrixir a situación e garantir que a veciñanza desfrute das piscinas no verán, en particular naqueles lugares onde non hai outra alternativa para refrescarse das altas temperaturas. Esa é a pretensión das iniciativas presentadas polo BNG no Parlamento.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
Este venres visitaron Ferrol e As Pontes, e o sábado foron os actos institucionais de benvida no concello de Ribadeo. Pola mañá foi inaugurada unha placa conmemorativa da visita, e acto seguido a recepción oficial na Casa do Concello.
