Ribadeo, 13 de xullo, 2021. O próximo xoves, 15 de Xullo, ás oito da tarde estará no Teatro de Ribadeo, o economista Xabier Pérez Davila para presentar o seu libro “Socialismo en Europa 2020”. O autor xa estivo en Ribadeo no 2016 para a presentación do seu traballo “Alén da Casta” e no 2019, coa ex-eurodeputada Lidia Senra para amosar “O futuro das pensións”, unha obra colectiva con 16 autores. Tamén é moi coñecido na nosa vila pola sua colaboura co colectivo de pensionistas MODEPEN.
Partindo de unha análise crítica das teorías do valor, no traballo actual Pérez Davila debulla a evolución do capitalismo nos últimos decenios, a gran concentración de capital e o elevado nivel de coñecemento das clases asalariadas nos países occidentais, que xunto cas grandes mobilizacións e protagonismo político-social dos movementos feministas e ecoloxistas xeran as condicións axeitadas para propiciar a introdución de reformas políticas, económicas, lexislativas e sociais que abrollen a unha sociedade mais xusta e igualitaria.
Baixo ese prisma poderían atopar solución os grandes problemas do noso tempo que as fantasías neoliberais non fan senón acrecentar e afondar descargando sobre as clases traballadoras os impactos negativos sobre a saúde, a precaridade laboral, os recortes no estado do benestar, e o aumento da temperatura que ameaza con destruír a vida no planeta sen que as milagreiras solucións tecnolóxicas pasen das operacións de marketing de Silicon Valley á realidade cotiá. A alianza entre capital e orde patriarcal impide avanzar na igualdade económica real da muller, que terma da tripla carga de traballo retribuído de mercado, doméstico e de coidados.
“E tempo de reabrir un proxecto civilizador que poña o ser humano por diante da produción de mercadorías e máis-valía”, remata a nota da contraportada de esta aportación á bibliografía mundial sobre o tema, escrita en idioma galego e dende Galicia.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
