Viveiro, 8 de agosto, 2021. Un incendio declarado ao mediodía de hoxe nun edificio da Rúa da Misericordia, no concello lucense de Viveiro, obrigou a intervir aos equipos de emerxencia sen que se rexistrasen danos persoais.
A central telefónica de atención ás emerxencias do 112 Galicia recibiu numerosas chamadas ao fío das 12:45 horas de hoxe para informar do suceso. As testemuñas do incidente contactaron co 112 para informar dun lume nun edificio habitado de sete plantas e solicitar medios de extinción que puidesen controlar a situación.
Decontado, desde o 112 pasouse aviso ao equipo de urxencias sanitarias, por se nalgún momento fose necesaria a atención a posibles feridos. Para atallar as lapas, os xestores do 112 Galicia solicitaron a intervención dos Bombeiros de Viveiro. Ademais, os servizos de emerxencias contaron co respaldo e apoio dos axentes da Policía Local e dos efectivos de Protección Civil de Viveiro e do Vicedo.
De acordo coa información facilitada ao 112 Galicia pola Policía Local, os habitantes do edificio afectado foron evacuados e non houbo persoas feridas. De feito, puideron volver aos seus domicilios en canto os Bombeiros de Viveiro sufocaron o incendio e garantiron as condicións necesarias de seguridade.
Unha vez rematada a intervención, o equipo do Servizo de Prevención, Extinción de Incendio e Salvamento confirmou ao 112 que ardeu un panel de protección lateral da edificación. Sospéitase que a orixe do lume puido ter lugar nunha grella dunha casa unifamiliar lindeira.
Igualmente, foron informados os membros do GES de Cervo por se fose necesaria a súa colaboración.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
