Burela, 10 de agosto de 2021. O Grupo Municipal Popular de Burela lamenta que “o goberno do sr. Llano non vele polos intereses dos veciños no proceso de tramitación da ordenanza de peches de fincas” e que, aínda por riba, “trate de que o Grupo Municipal Popular non alegue cando tratamos de salvagardalos”.
Os populares explican, a este respecto, que “a regulación do peche de fincas non foi sometida previamente a consulta pública, tal e como fixa obrigatorio a lei”. Pero, ademais, “ante as nosas alegacións, o goberno do PSOE respondeu presentando un informe gobernamental, pero nada garantista que recolle a imposibilidade de que ningún concelleiro da corporación presente alegación ningunha durante o período de exposición ao público. Pero o certo é que existe numerosa xurisprudencia de ordes ditadas por Tribunais Superiores de Xustiza que si o avalan”. Polo tanto, “a lei si que permite aos concelleiros presentar alegacións tal e como fixemos dende o Grupo Municipal Popular para salvagardar os intereses dos bureleses”.
Así mesmo, “o propio informe do Concello revela a incompetencia do sr. Llano á hora de cumprir as ordenanzas que o seu propio goberno aproba”. Concretamente, o informe sinala a necesidade de recoller na ordenanza de peche de fincas determinados criterios xa establecidos pola ordenanza de limpeza e ornato de fincas de Burela en vigor dende o ano 2015”. Polo tanto, “ata agora, o sr. Llano leva seis anos sen facer cumprir esta norma municipal”.
Fincas de Portos de Galicia
O voceiro, Manuel Rouco, explica que “no pasado pleno ordinario celebrado o xoves 5 de agosto, o PSOE presentaba dúas mocións coas que instar a Portos de Galicia a ceder ao Concello fincas da súa titularidade. Unha das parcelas pode ser susceptible de ser empregada polos pescadores; pero o goberno do sr. Llano non contou previamente co consenso do sector pesqueiro”, condena.
Os populares dubidan que sexa acertado solicitar eses terreos para usos municipais ao considerar que “eses terreos poden ser necesarios no caso de ampliación das instalacións do porto. Non se trata de espir un santo para vestir outro”, apuntan. “O alcalde e o seu goberno danlle prioridade á confrontación cunha administración gobernada por outro partido en lugar de defender os intereses dos veciños e do sector pesqueiro burelés”, sentencian.
Tamén sinala Rouco como “outra mostra da incompetencia do goberno do sr. Llano” o feito de que “descoñeza que dende o ano 2018 existe unha lexislación que establece o procedemento polo que o Concello se pode dirixir á administración autonómica para solicitar o uso de parcelas”.
O popular critica, así mesmo, que “a pesar de existir esta posibilidade; o goberno local leva ao pleno unha proposta partidista no lugar de presentar unha proposta da alcaldía seria amparada por un anteproxecto sobre o uso ao que dirixir esas parcelas e que conteña unha memoria económica”.
Os populares aseguran por outra parte que “non podemos apoiar a solicitude de uso da parcela da zona da Limosa por parte deste goberno para dedicala a mirador porque nin sequera é capaz de manter o que xa está feito. O mirador do Monte Castelo está en moi mal estado de conservación a pesar das nosas numerosas reclamacións”, conclúen.
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O lume iniciouse ás 14.51 horas do luns e para a súa extinción mobilizáronse, polo de agora, 2 técnicos, 10 axentes, 15 brigadas, 16 motobombas, 1 pa, 5 helicópteros e 7 avións. 
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
