Santiago, 6 de setembro , 2021. A Portavoz Nacional do BNG, Ana Pontón anuncia “unha ofensiva política” para facer valer Galiza nos tres parlamentos fronte ás “políticas evasivas e propagandísticas de Feixóo”.
Tras a reunión interparlamentar celebrada en Vigo, a portavoz nacionalista avanzou un decálogo de prioridades, dentro da axenda 21-24, que será remitido a todas as institucións con medidas para a recuperación económica, reforzo da sanidade e o ensino públicos, defensa dos sectores produtivos, axenda verde, fortalecer o autogoberno e alternativas contra a “estafa da luz”.
Ante os medios de comunicación, a líder do BNG trasladou as liñas de traballo prioritarias no Parlamento galego, estatal e europeo fronte ao papel das forzas estais que comparten “unha visión centralista e un papel subordinado de Galiza”. Unha ofensiva “sincronizada” tras as ensinanzas da crise. Para o BNG, recalcou, a prioridade é fortalecer os servizos públicos e a reversión das reformas regresivas aprobadas polo PP en materia de dereitos laborais e democráticos.
Urxe poñer en marcha novas políticas
Pontón fixo fincapé na necesidade de cambiar “as vellas políticas” e iniciar unha nova senda con alternativas que permitan a recuperación económica e para iso, dixo, é importante que “Galiza reciba até o último euro que lle corresponde dos fondos Nex generation” ao que sumou un novo modelo de financiamento e uns orzamentos que non discriminen a Galiza. Nesta liña, tendeu a man ao PSOE e Podemos cara uns orzamentos xustos con oso país.
“Ante a pasividade de Feixóo”, explicou que o BNG inicia o curso político con alternativas para a recuperación económica e será “o altavoz” das demandas da sanidade pública, o ensino e contra “o boom eólico” depredador”. Esta ofensiva “sincronizada” nos tres parlamentos vai encamiñada á defender “os dereitos sociais e servizos públicos así como medidas reais contra “a estafa da luz” entre as que destacou “unha tarifa eléctrica galega” para cuxa creación o BNG defenderá no Parlamento galego, unha proposición de lei.
Pontón engadiu que o traballo político do BNG no curso que empeza impulsará o fortalecemento do autogoberno, políticas feministas, a defensa dos sectores produtivos, infraestruturas, vivenda, unha axenda verde e o apoio a lingua e cultura galegas.
O BNG seguirá reclamando destinar 200 millóns de euros para reforzar a Sanidade pública e reducir as lista de espera, demandar “ate o último euro” que lle corresponde a Galiza nos fondos europeos para o que é necesario, indicou, crear unha comisión bilateral, Xunta-Estado.
Urxe poñer en marcha novas políticas e hoxe, dixo, eliximos a cidade de Vigo para celebrar a reunión interparlamentar para que no futuro de Galiza, Vigo sexa “pulmón industrial” e para iso é necesario “compromiso político” fronte a desatención dos intereses desta cidade por parte do goberno galego e central.
Estamos nun momento transcendental, e debemos acertar porque nos xogamos a Galiza das próximas décadas e cada día temos que soportar “a estafa da luz, a rapina das empresas eléctricas co baleirado de encoros para facer caixa e co beneplácito do goberno galego e central. Unha Galiza coas peaxes máis caras do estado, peches de oficinas bancarias, unha crise industrial que golpea especialmente á comarca de Vigo e falta de persoal sanitario nos centros de saúde, despois de 12 anos de recortes. Este momento require alternativas e abandonar as vellas políticas que nos levaron a esta situación. Galiza precisa un novo impulso con ideas novas e o BNG “traballará para defender os intereses da maioría social.
Á xuntanza interparlamentar do BNG celebrada en Vigo asistiron os deputados e deputadas do grupo parlamentario no Parlamento Galego, o deputado no Congreso, Néstor Rego e a portavoz do BNG en Europa, Ana Miranda.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
