Meira, 6 de setembro de 2021. O Partido Popular da provincia de Lugo reforza o apoio e asesoramento aos grupos municipais daqueles concellos pequenos onde conta con menos representación. Así se comprometeu Elena Candia durante a reunión que mantivo en Meira con concelleiros dos concellos de menos de 1.500 habitantes nos que o PP se atopa na oposición.
Candia sinalou que “os grupos municipais son os nosos representantes máis próximos e, polo tanto, os que mellor coñecen a realidade dos veciños e veciñas nos distintos concellos da provincia”. Nese sentido, a máxima dirixente recoñeceu o traballo dos portavoces e concelleiros que compaxinan a súa actividade laboral e persoal coa de facer oposición nos pequenos concellos rurais.
A popular asegurou que “os grupos municipais con menos representación teñen o apoio do Partido para poder desempeñar o seu labor de oposición, a de control e fiscalización ao goberno” e comprometeuse a reforzar o seu asesoramento e apoio “para poder comunicar o seu traballo, facer chegar aos veciños a súa desconformidade con asuntos de interese municipal e, por suposto, as súas iniciativas en beneficio de cada concello”.
Nesa liña, a popular recordou, que “o Partido Popular traballa na nosa provincia centrado na vocación de servizo aos nosos veciños, para serlles útiles e defender os seus dereitos e intereses nas distintas institucións procurando o seu benestar e o seu progreso tanto económico coma social”.
Candia defendeu que “o noso proxecto está centrado na nosa provincia, nos nosos veciños e no noso territorio, un territorio de marcado carácter rural para o que defendemos a igualdade de dereitos e a igualdade de servizos”. Con eses obxectivos, a candidata a revalidar o cargo na presidencia do PP da provincia tamén puxo en valor “a nosa vontade de diálogo” para “chegar a acordos tanto nas corporacións locais coma provincial que redunden na mellora da calidade de vida dos lucenses”.
Cara ao 18 Congreso provincial
A actual presidenta e candidata a revalidar o cargo tralo 18 Congreso previsto para o domingo 19 de setembro, deu comezo aos actos de campaña a pasada semana recibindo aos tres afiliados máis veteranos e aos tres de máis recente afiliación en sinal de recoñecemento polo apoio e a confianza de todos os militantes.
Elena Candia dará continuidade á campaña cun encontro de traballo cos concelleiros de xuventude de distintos Concellos da provincia e cos responsables dos distintos distritos da cidade de Lugo. Tamén recibirá aos afiliados que non aspiran a ser compromisarios e, posteriormente, manterá encontros cos compromisarios por comarcas.
Comunicado-relatorio
As reunións da coordinadora do comunicado-relatorio do 18 Congreso, Cristina Sanz, con representantes de distintos sectores estratéxicos da provincia e de organizacións do ámbito empresarial e dos sectores agrogandeiro, forestal, pesqueiro, turístico e sanitario tiveron moi boa acollida. A popular escoitou as súas achegas para incorporalas ao documento ‘Un proxecto de partido, un proxecto para Lugo’, un documento de ideas, propostas e actuacións coas que o proxecto do Partido Popular abordará os retos do futuro da nosa provincia.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
