Foz, 14 de setembro de 2021. O Concello de Foz vén de presentar a implantación de wifi gratuíta en catro prazas da vila.
“É un traballo ben executado, dirixido pola técnico municipal Carmen Seco, que posibilita a conexión libre e gratuíta a internet en espazos públicos. Continuamos o traballo de achegar a conectividade dixital ás nosas veciñas e veciños”, destaca a edil de Administración Electrónica e tenente de alcalde, Inés López Couto.
O alcalde de Foz, Fran Cajoto, destaca o camiño de traballo que segue o Concello neste aspecto desde que a corporación tomou a responsabilidade de goberno: “no 2019 a conexión a internet no noso concello era a baixa velocidade, salvo parte do núcleo e algunha outra zona puntual, pero agora mesmo temos a posibilidade de contratar fibra da máis alta velocidade nas nove parroquias, en todas as aldeas, o cal era impensable. Outro paso máis foi a sinatura dun convenio con Amtega para posibilitar a telefonía móbil naquelas zonas que están sen cobertura, que esperemos que se faga efectivo canto antes. Ademais estamos a ultimar a nova páxina web do Concello, que teremos lista este ano, e agora presentamos a conexión gratuíta a internet en espazos públicos. O cambio xa está aquí e chegou para quedarse”.
Fran Cajoto engade que “Wifi4eu Foz é un proxecto financiado pola Unión Europea que permite navegar cunha velocidade mínima de 30 mbps a través dunha wifi gratuíta desde 4 zonas da nosa vila: Concello, Praza Salgado Toimil, Praza Conde de Fontao e Campo da Cabana. Están dispoñibles 24 horas ao día, 7 días á semana. A pesar de ser unha wifi libre cumpre con estándares de alta seguridade, contando con tódalas garantías como se fose unha wifi privada. Para poder navegar de xeito gratuíto en calquera destes puntos tan só debemos seleccionar a Wifi4eu no noso móbil e rexistrarnos a través de sms. Obteremos un usuario e contrasinal para poder entrar no noso portal e navegar por internet”.
Ademais destas wifis exteriores foron instaladas tamén interiores para dotar dun mellor servizo ao Centro Social, á Casa da Cultura e á Casa do Concello.
O concelleiro de Comunicación, Carlos García, salienta que é “un novo avance do pobo de Foz, aliñado co obxectivo 9 da Axenda2030 (Industria, innovación e infraestrutura), que reclama fomentar o acceso ás telecomunicacións/TIC para reducir a fenda dixital e proporcionar o acceso á banda ancha para todos e todas, así como aumentar a súa utilización en favor da economía e as sociedades dixitais”.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
