Viveiro, 24 de setembro de 2021. O Concello de Viveiro lamenta que a Unha vez máis, a Xunta de Galicia convocase unhas axudas que se conceden por orde de chegada das solicitudes e non por concorrencia competitiva, abrindo ademais o prazo de solicitudes ás doce da noite dun venres.
En concreto, no Diario Oficial de Galicia do venres 10 de setembro de 2021 publicouse a “Resolución do 3 de setembro pola que se aproban as bases reguladoras para a concesión das axudas para actuacións de corrección de impactos paisaxísticos destinadas a concellos de Galicia, xestionadas por este instituto, e se establece a súa convocatoria en réxime de concorrencia non competitiva para o ano 2021”.
Nas bases desta subvención establecíanse dúas liñas de axudas, unha para edificios ou dependencias destinados á prestación dos servizos municipais e outra para equipamentos de titularidade municipal, como fontes, lavadoiros públicos, palcos de música e hórreos.
O prazo de presentación de solicitudes era de un mes contado a partir do día seguinte ao da publicación da resolución no DOG, empezando, polo tanto, o prazo para a presentación de solicitudes o sábado 11 de setembro ás 00.00 horas.
Sen embargo, o luns 13 de setembro, a Xunta de Galicia emitiu unha nota de prensa indicando que “as solicitudes de axudas por parte dos concellos para correxir impactos paisaxísticos en edificios municipais xa esgotaran o orzamento reservado a esta liña”. Nesa nota sinalábase, ademais, que a Consellería de Medio Ambiente, Territorio e Vivenda abriu o prazo de presentación de solicitudes o sábado e que, durante as primeiras horas, recibiu preto de 30 peticións.
Esta é a primeira vez que se convocan estas axudas, polo que resulta sorprendente que o mesmo sábado, día inhábil na administración, horas despois de que se abrira o prazo de presentación das solicitudes, xa se esgotara o crédito reservado a unha das súas dúas liñas de actuación, tendo en conta, ademais, toda a documentación e trámites necesarios para cumprimentar o expediente de solicitude.
Entendendo que algún concello puidera acollerse a estas axudas con memorias ou proxectos previamente xa elaborados, resulta curioso que esta circunstancias se dese en 30 concellos, toda vez que, como xa se dixo, se trata dunha orde de nova convocatoria.
De todos xeitos, o Concello de Viveiro vai solicitar a axuda esperando que se amplíe o orzamento esgotado permitindo que o resto de concellos que presenten a súa solicitude en prazo teñan a opción de beneficiarse desta axuda.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
