Burela, 2 de outubro, 2021. O Pescados Rubén Burela FS recuperou esta tarde a senda da vitoria impoñéndose por 3-2 a Ourense Envialia FSF. O derbi galego quedou na casa cun bo traballo das mariñás en xogo de cinco na recta final, dando a volta ao marcador de 1-2 e sabendo sufrir.
O inicio foi laranxa, con continuas chegadas sobre a rede de Vanessa. A gardameta visitante puido frear a complicidade entre Elenita e Ale de Paz en primeira instancia, pero non conseguiu frear o toque segundos despois de Peque tras o roubo da 13 burelista. Tivo chegadas e ocasións o conxunto das Guerreiras fronte a unha Vanessa decisiva ao longo de primeiro acto, saíndo vitoriosa ante Bea Mateos (minuto 15) e fronte aos mísiles de Lara e Peque chegando ao descanso. Nerea Lorenzo tamén serviu de obstáculo para a efectiva poutada de Dany.
Crendo nas súas posibilidades, o Ourense volveu á pista para corrixir desaxustes e puxo a proba a rede de Jozi, en varias ocasións, coa mellor da antiga laranxa Judith. E foi María Arias a que igualou a contenda nunha rápida saída de Vanessa que conduciu Nerea Lorenzo (minuto 28). Traballou Pescados Rubén para recuperar a vantaxe, aínda que con certos momentos esvaecido; Vanessa freou a Peque, tentouno Emilly cunha gran volea e máis tarde Elenita. Do que podería ser o 2-1 con balón parado de Ale de Paz, pasouse á vantaxe das ourensás de Laura Uña en galopada. Apostaron as Guerreiras por xogo de cinco Bea Mateos. Acariñaron o empate Lara Balseiro e Elenita. A maxia de Cilene regresou a Vista Alegre no 36 transformando o penalti de Chiky. Insistiron con porteira xogadora as de Lucas e Lara Balseiro subiu o tanto da vitoria a un e medio para a bucina. O Envialia quixo esgotar o último cartucho con ataque de cinco, sen recompensa.
Ficha técnica
Pescadso Rubén Burela FS: Sandra Buzón, Dany, Peque, Elenita, Ale de Paz, cinco inicial; tamén xogaron Bea Mateos, M. Cortés, Emilly, Cilene, Elena Aragón, Lara Balseiro, Jozi Olveira
Ourense Envialia FSF: Vanessa Barberá, Chiky, María, Laura Uña, Nerea Lorenzo, cinco inicial; tamén xogaron Judith, Carla, María Arias, Zaide, Susana,
Goles: 1-0, minuto 3, Peque; 1-1, minuto 28, María Arias; 1-2, minuto 34, Laura Uña, 2-2, minuto 36, Cilene (penalti), 3-2, minuto 39, Lara Balseiro
Árbitros: Amor Vizoso // Menéndez Nistal. Por Ourense amarela a Chiky (minuto 33), María Arias (minuto 36)
Incidencias: Partido correspondente á xornada 3 de Primeira RFEF Feminina disputado en Vista Alegre. As Guerreiras Laranxas foron obsequiadas polo Concello de Burela cun detalle conmemorativo do título de liga 2020-21.
A convocatoria está fixada para as 19.30 horas no salón de sesións da Casa Consistorial. Un dos puntos da orde do día inclúe a proposta para designar as festividades locais de 2027. Tamén se presentarán dous expedientes de recoñecemento extraxudicial de crédito. Ademais, a corporación someterá a aprobación as actas das sesións celebradas os días 8 e 15 de xullo. A orde do día completarase coa parte de control, na que se dará conta das resolucións da Alcaldía e se abrirá a quenda de rogos e preguntas.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
Villares destacou que a Administración autonómica reafirma o seu compromiso con esta cita, adicada a enxalzar a calidade deste produto do mar e a poñer en valor o esforzo dos profesionais do sector. Así mesmo, subliñou a importancia das festas gastronómicas na promoción turística e na dinamización económica da zona.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
