Alfoz, 14 de outubro de 2021. O voceiro parlamentario do PSdeG, Gonzalo Caballero, puxo hoxe de relevo “o compromiso” que evidencian os orzamentos xerais do Estado con Galicia.
Como mostra dese compromiso, Caballero subliñou que as contas estatais contemplan un “importante investimento” para a comunidade, que se incrementa nun 29 por cento con respecto ao ano pasado e que chega aos 1.075 millóns de euros para 2022. Con esta cantidade, o voceiro parlamentario do PSdeG salientou que “os orzamentos xerais do Estado destinar a cada galego 398 euros, fronte a unha media en España que está en 277”.
Ante estes datos, Gonzalo Caballero manifestou a súa satisfacción logo de que el mesmo trasladara ao goberno de España “que fixera un investimento importante nos orzamentos para cubrir as necesidades de Galicia”. “Os e as socialistas galegos seguimos defendendo os intereses de Galicia e cumprindo con Galicia”.
A XUNTA TEN QUE INVESTIR MÁIS NOS MUNICIPIOS GALEGOS
Gonzalo Caballero realizou estas declaracións durante una visita ao concello lucense de Alfoz, onde estivo acompañado polo alcalde do municipio, Jorge Val.
Alí, o voceiro do Grupo Socialista tivo palabras de recoñecemento para o traballo que fan o rexedor e o grupo de goberno, que “nesta etapa de tantas dificultades pola pandemia amosaron sempre estar ao pé do canón traballando polos veciños e veciñas e facendo as mellores políticas públicas dende o concello”.
Tras remarcar “o traballo, a traxectoria e o compromiso” do alcalde “durante tantos anos” e amosarlle o seu “respaldo”, Gonzalo Caballero reclamou á Xunta de Galicia que “tamén aposte polos concellos pequenos”.
Así, incidiu na necesidade de que o goberno galego lles achegue financiamento e fondos, porque “para saír desta crise e reactivar a economía, as políticas municipais xogan un papel fundamental”. Nesta liña, Gonzalo Caballero enfatizou que “as alcaldías socialistas representan a mellor política municipal de Galicia”.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
