Santiago de Compostela, 04 de novembro de 2021. A parlamentaria socialista Patricia Otero sinalou que os Orzamentos da Deputación de Lugo para o próximo ano están “pensados para as persoas e para a recuperación económica da provincia”. Otero interveu na comparecencia do presidente do ente provincial, José Tomé, para presentar os orzamentos para o próximo ano, hoxe no Parlamento.
A responsable socialista sinalou que o goberno provincial “ten que cumprir o papel de apoiar aos concellos desatendidos pola Xunta”, logo de que Feijóo se demostrara “máis preocupado de confrontar co goberno central que de axudar ás administracións locais”. Sinalou que “agora distribúense os fondos con criterios obxectivos” a través do Plan Único da Deputación e grazas a un presidente socialista que desterrou a práctica de “pedir e rogar á que nos tiña afeitos o PP”.
Sinalou que fronte a un goberno autonómico preocupado unicamente de “botar balóns fora e de culpar ao goberno central”, o Executivo provincial mantén as “fiestras abertas” para “permitir que entre aire fresco” asumindo un papel “fundamental para achegarlle os servizos públicos aos veciños e veciñas da provincia, sobre todo no rural e nos concellos pequenos da provincia”.
Otero salientou o “esforzo económico tremendo” da deputación e os concellos para “poñer enriba da mesa tódalas medidas precisas sen deixar a ninguén atrás”, un esforzo que, dixo, “non tivo retorno por parte da Xunta de Galicia”.
Apuntou ao papel fundamental do ente provincial para garantir as políticas sociais “tan necesarias nestes intres” ás que está a renunciar a Xunta, sinaladamente na súa aposta polas residencias de maiores. Mentres a Xunta “esquece as súas competencias”, e apostan por macroresidencias que “non funcionaron tan ben como as da Deputación, agora queren copiar o modelo” do ente presidido por Tomé, logo de 12 anos nos que fixeron “0 prazas públicas” nas residencias.
Política Industrial
Patricia Otero acusou ao goberno galego de “esquecer a política industrial na nosa provincia”, cando “non foron quen de facer nada” na comarca da Mariña, máis alá de “tapar a súa inoperancia no apoio aos traballadores de Vestas botando balóns fora”. Aludiu así ás críticas do goberno galego, que onte decidiu suspender a Mesa industrial denunciando unha suposta ausencia do Ministerio que era irreal por canto “había 3 cargos do Ministerio para sentarse nesa mesa”.
Afeoulle ao PP e ao goberno galego que teñan rexeitado o plan de industrialización proposto polos socialistas galegos para a provincia de Lugo, mentres “deixan sen executar cartos” dos orzamentos autonómicos. Cualificou de “incrible” que lle reclamen á Deputación que apoie ao sector marítimo mentres miran para outro lado cando a Consellería do Mar ten as dúas partidas máis importantes cun nivel de execución do 3,6 e do 9,6 por cento.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveitou esta cita para facerse con artigos de tempada a prezos moi interesantes. É a segunda vez neste mes de agosto que se celebrou o Comercio na Rúa en Ribadeo. Para a organización desta campaña Acisa contou coa colaboración do Concello de Ribadeo, Comercio Galego e Xunta de Galicia.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
