RIBADEO (FNC) .- Os areais de Ribadeo contarán desde mañá con 10 socorristas aos que se unirán outros catro a partires do vindeiro 9 de xullo. Nuns días quedará instalado o punto de información das Catedrais mediante o que os visitantes poderán coñecer as horas exactas para cursar visita a esta praia.
O concelleiro de Medio Ambiente, Horacio Cupeiro, sinalou que “estamos a punto de recibir a milleiros de turistas en Ribadeo e veciños que residen fora do noso territorio polo que estamos a facer un esforzo enorme para ter as nosas praias e caudais o máis limpos posible. Sabemos que este non é un ano fácil debido ás choivas que tivemos recentemente e que provocaron que as escorrentías dos ríos arrastrasen plásticos, madeira e maleza ata o mar e ata as nosas praias. Tamén ocorre desde hai algún tempo que as correntes levan a area e a cantidade de algas depositadas nas praias é maior. Sabemos que as dotacións presupostarias cada vez son menores, pero non por iso desde o Concello debemos facer menos esforzos senón todo o contrario”.
Os aparcadoiros dos areais ribadenses están listos para seren empregados. O edil nacionalista dixo que “o aparcadoiro das Catedrais conta con todas as autorizacións pertinentes da Consellería de Medio Ambiente, así como os de As Illas-Castros e Rinlo. Só estará prohibido estacionar no aparcadoiro provisional das Catedrais entre as 21 horas da noite e as 8 da mañá, para evitar que autocaravanas pernocten alí. Xa hoxe nos arrincaron a información relativa a estes horarios, pero agardamos que non volten a producirse feitos coma este a partires de agora”. O responsable de Medio Ambiente anunciou que “o punto de información das Catedrais instalarase nuns días, será cando recibamos a autorización pertinente e cando chegue o persoal que o vai atender.
Cupeiro tamén subliñou que “Ribadeo contará desde mañá con 10 socorristas nos seus areais, cifra que se incrementará a partires do vindeiro 9 de xullo. Nesa xornada incorporaranse 4 máis. O persoal de limpeza das praias adicarase a limpar os plásticos e outros obxectos depositados nelas e os baños tal e como esixe a Q de calidade e como vimos facendo nos últimos anos”.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
