NOTA DE PRENSA
Os deputados Jose Manuel Balseiro e Emma Álvarez, acompañados de concelleiros e dirixentes do Partido Popular de Foz amosaron a súa satisfacción pola boa nova que materializa o compromiso da Xunta co reforzo da asistencia sanitaria nesta localidade e no conxunto da comarca.
O CENTRO DE SAÚDE DE FOZ CONTA CUNHA AMBULANCIA MEDICALIZADA SEIS MESES ANTES DO PREVISTO
* As xestións dos populares xunto a boa disposición da Xunta, que estableceu como prioritario este cometido, fan posible que a ambulancia medicalizada estea en servizo durante o verán, período no que Foz duplica a súa poboación pola afluencia turística.
* “O que outros prometeron e non cumpriron –en referencia a PSOE e BNG durante o bipartito- un Goberno do PPdeG vén de facelo realidade”
* 900 mil euros: Ademais do vehículo, dotado da tecnoloxía máis avanzada para ofrecer o soporte vital básico aos doentes usuarios, e do persoal sanitario e técnicos de apoio adscritos ao servizo, Sanidade executou distintas obras para habilitar a base permanente desta ambulancia no Centro de Saúde desta localidade
Santiago, 1 de xullo de 2010.- O Centro de Saúde da localidade lucense de Foz conta desde hoxe cunha ambulancia medicalizada, seis meses antes da data inicialmente prevista pola Consellería de Sanidade que anunciaba a posta en servizo desta nova dotación antes de final de ano. As xestións dos populares e a boa disposición da Xunta, que estableceu como prioridade este cometido, fan posible que a ambulancia medicalizada estea en servizo durante o verán, período no que Foz duplica a súa poboación como consecuencia do turismo.
Os deputados José Manuel Balseiro e Emma Álvarez Chao, acompañados de concelleiros e dirixentes do Partido Popular de Foz amosaron en rolda de prensa a súa satisfacción por esta boa nova que “vén de materializar o compromiso da Xunta co reforzo da asistencia sanitaria nesta localidade e no conxunto da comarca da Mariña lucense”
Os parlamentarios mariñaos explicaron que “o que outros prometeron e non cumpriron –en referencia a PSOE e BNG que durante o bipartito insistiron en que porían en marcha este servizo- un Goberno do PPdeG vén de facelo realidade”. De feito, indicaron que, despois dun primeiro ano na responsabilidade de Goberno da Xunta, no que desde o Grupo Popular “promovemos e xestionamos esta dotación” e durante o cal Sanidade “elaborou o estudo para comprobar os investimentos necesarios”, hoxe xa podemos dicir con satisfacción que é unha realidade.
RESOLVER OS PROBLEMAS DOS VECIÑOS
José Manuel Balseiro, afondando nesta cuestión, quixo salientar tamén que, “mentres que outros, como por exemplo o Alcalde socialista de Foz, Jose María García Rivera, se están a dedicar á mobilización polo tema sanitario, o Partido Popular traballa para resolver os problemas dos veciños”. Pasamos “das palabras aos feitos”, “das promesas aos compromisos cumpridos” porque o primordial –explicou o deputado- “é que hoxe na Xunta hai un Goberno comprometido coa mellora da asistencia sanitaria pública para os veciños de Foz e do conxunto da comarca”.
MÁIS DE 900.000 EUROS DE INVESTIMENTO
Ademais do novo vehículo, dotado da tecnoloxía máis avanzada para ofrecer o soporte vital básico aos doentes usuarios –o que antes se coñecía como unha UVI móbil- e do persoal sanitario e técnicos de apoio adscritos ao novo servizo (entre eles un médico e persoal paramédico de apoio), Sanidade tamén executou distintas obras para habilitar a base permanente desta ambulancia no Centro de Saúde desta localidade. O total dos investimentos superan os 900.000 euros.
Os parlamentarios fixeron unha relación das dotacións que incorpora a nova base da ambulancia medicalizada, sita no Centro de Saúde de Foz, que dispón de tres dormitorios, baños, un despacho con material informático disposto para labores administrativas, unha sala de estar e para xuntas, un almacén de material, e instalacións eléctricas varias así como servizos complementarios para a ambulancia.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
