Lugo ten mar. O mar, que dirían os pescadores que habitan o meu pobo mariñeiro de Celeiro. O mar de Lugo, ten un nome encantado como moitas das tradicións desta terra chamada “A Mariña”.
A nosa comarca, ata a transición española, foi unha terra de pescadores, gandeiros, agricultores, e algún precursor que explotaba o noso agora crecente sector forestal. Unha estampa de pobos pequenos ás beiras do mar, e unha cabeceira de comarca en Viveiro como pequeno motor comercial.
Fai xa corenta anos, unha decisión do goberno español, transformou para sempre a vida dos nosos país. Deseñouse e construíuse un complexo industrial moderno e innovador, para a produción de alúmina e aluminio primario. Centos de persoas traballaron na súa construción e miles delas deixaron os seus empregos no mar e en terra para subirse ao carro do progreso.
Os noso país e nais, uns na fábrica, outros no mar ou no campo, traballaron sen descanso, día a día, para ver medrar ás súas fillas e fillos en vilas e pobos prósperos e con futuro. E conseguírono.
Pero A Mariña, tivo un grande problema histórico: Os nosos gobernantes. Os de aquí, e os que dende aquí, enviamos a Santiago ou a Madrid, eles, falláronnos.
Durante os primeiros anos da fábrica de aluminio, prometeron a construción dun tren de laminado, para pechar o ciclo produtivo, e nunca chegou. Dixéronnos, que apostaban polo sector pesqueiro, e foron os pescadores os que tiveron que xuntar as súas forzas e arriscar as súas vidas e familias, para construír lonxas de vangarda e primeiro nivel. Prometéronnos unha autovía de primeira, e construírona, pero esqueceron que Lugo ten mar, eles dende Madrid, e os nosos alcaldes dende aquí, condenáronnos a un futuro sen comunicacións. Tamén nos prometeron un tren, e témolo, o único tren do mundo que non comunica.
Fallaron, non o viron vir. A falta de altura de miras, o localismo esaxerado e a falta de unidade permitírono. Hoxe a nosa comarca sofre a incerteza da desindustrialización, sen conexión por estrada, sen tren, sen un porto comercial de referencia, e o que é peor, sen ningunha alternativa. Estamos na encrucillada e baixo a tormenta perfecta.
Alcoa, que da traballo a 2000 persoas, entre a planta principal e auxiliares, quérenos deixar, a multinacional xa conseguiu o que quería. Altos beneficios a baixo custo, durante os máximos anos posibles.
Por outro lado, Vestas, xigante eólico, tamén nos quere deixar, da traballo a 115 persoas, na única fábrica de produción eólica de toda a provincia. Conseguiron o que querían, altos beneficios a baixo custe.
A Mariña supón o 25% da poboación provincial. A provincia ten 4 deputados no Congreso, é dicir, correspóndenos un deputado. É o que se xogan, un deputado de 350 a repartir entre as grandes forzas políticas do Estado(Así sucedeu en todas as elección, agás nunha). Pode ser determinante, pero están demostrando, que para eles, non é relevante.
Levamos dous anos agardando unha solución e un acordo entre a SEPI e a empresa Alcoa, para a intervención e compra por parte do Estado da fábrica e a súa posterior venda a un grupo industrial. Hai mala fe por ambas partes, a empresa defende os seus intereses e o Estado di que si que quere, pero logo fai o contrario, ou mellor dito, non fai nada. Pola empresa Vestas, xa nin preguntan.
Hoxe, a comarca sae á rúa, as empresas da zona, o comercio, a hostalería, e os traballadores camiñan por fin xuntos e unidos, e claman por un futuro industrial para A Mariña. É a dignidade dun pobo fronte aos que nos fallaron, e o único que pretenden é conseguir un triste deputado.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
