Burela, 23 de novembro, 2021. O restaurante ‘Contraste’ de Burela promociona desde este venres as ceas “a dúas velas” entre os seus clientes, cun menú temático acompañado por unha selección musical especial e o local ambientado unicamente pola luz das candeas.
“É un xeito peculiar de rebelarnos contra a situación actual, poñéndolle un chisco de humor e orixinalidade”, asegura Rubén Pinín, xerente do restaurante. “Pese ao ambiente acolledor das candeas, non se trata de ceas románticas, anque espero que veña moita xente namorada da música e da boa comida”.
Desde que anoiteza o serán do venres o local seguirá co seu servizo habitual de cafés, viños e tapas, pero coa iluminación reducida a mínimos e reforzada só coa luz das velas. A partir das nove da noite empezaranse a servir as ceas, que terán un menú temático en sintonía coa selección musical da velada.
O menú da primeira cea “a dúas velas”, que se celebrará este venres 26 de novembro, está dedicado ao grupo británico Queen e consiste en xamón ibérico ao corte (Bohemian Raphsody), berberecho galego ao vapor (Crazy little thing), prato principal a escoller (Under Pressure) entre brocheta de peixe sapo e langostinos ou entrecot de tenreira galega, e de sobremesa coulant de chocolate con xeado de vainilla (The Show must go on). O prezo do menú, que inclúe bodega, café e licores (I want to break free), é de 40 euros por persoa e sempre con reserva previa, xa que o aforo é limitado.
“A crise enerxética non só afecta ás grandes industrias, senón que as pequenas empresas e autónomos tamén o estamos sufrindo nun momento no que o que precisamos sería todo o contrario: facilidades e axudas para poder recuperarnos despois dun ano e medio de pesadelo”, afirma Pinín.
Para o hostaleiro de Burela, “oxalá esta iniciativa sirva como idea para que moitos outros hostaleiros do país se unan e poidamos crear unha rede de ceas a dúas velas como símbolo de protesta e rebeldía por esta subida tan exagerada das tarifas que estamos sufrindo”.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
