Lugo, 30 de novembro de 2021. Nin socialistas nin nacionalistas tiveron a sensibilidade necesaria para apoiar na sesión plenaria celebrada esta mañá pola corporación provincial a moción do PP para reclamar ao Goberno medidas de apoio aos gandeiros. A moción popular foi defendida por José Ángel Santos, alcalde de Friol e deputado provincial. O portavoz do PP, Javier Castiñeira, sinalou ao remate do pleno: “É absolutamente penoso que o presidente da Deputación de Lugo e os seus compañeiros socialistas votaran hoxe no pleno da Deputación en contra dunha moción en apoio do sector leiteiro, presentada polo Partido Popular; un sector que está sufrindo e que é moi importante para a nosa provincia e especialmente para a economía rural, para economía de moitos concellos nos que este sector é fundamental”.
Castiñeira tamén declarou: “O sector pásao mal e demanda a redución dos custos de produción. Por un lado está a suba do prezo da enerxía eléctrica, do gasóleo e dos pensos e, por enriba, o Goberno do Estado pretende sacar as bonificacións ao gasóleo; están afogando aos nosos gandeiros. Por elo non entendemos a posición do Partido Socialista, que votou en contra, nin a ambigüidade do BNG, que se abstivo, sabendo que a situación é moi mala”.
O portavoz popular lembrou a intervención de Santos: “José Ángel Santos, alcalde de Friol e deputado provincial, demostrou con datos reais cales son os incrementos dos custos dunha explotación media lucense: 630 euros máis de custo enerxía eléctrica, 421 euros máis de gasóleo e 2.284 polos pensos. Estamos a falar de 3.335 euros ao mes máis, que supoñen, aproximadamente 2,6 céntimos de euro por litro, o que fai inviables as explotacións. No pleno de hoxe apelamos á sensibilidade do goberno da Deputación de Lugo, pero non a tivo; non entendemos a circunstancia pola que o presidente da Deputación de Lugo, os seus compañeiros e os seus socios de goberno non apoiaron esta moción”.
Polo seu lado, Santos destacou na súa intervención que, na provincia de Lugo, o sector lácteo e un dos sectores mais importantes, do que viven, directa ou indirectamente, moitas familias. Lembrou que na provincia están asentadas o 44% das explotacións de carácter leiteiro de toda Galicia e que produce o 45% do leite de toda Comunidade Galega.
Santos explicou que á forte suba da enerxía únese a proposta do Goberno central de eliminar as bonificacións ao gasóleo agrícola e tamén hai unha importante suba de prezos nas materias primas que compoñen o alimento do gando. Por elo, entende que se aveciña a erupción dun volcán no sector primario, onde sen dúbida a lava prexudicará os máis débiles da cadea de valor alimentaria, que sempre son os mesmos, os agricultores e gandeiros. Asegurou que é necesario que se axuste a reforma da Lei da cadea alimentaria, incrementando os mecanismos de control que impidan que os gandeiros vendan a perdas ou por baixo do custo de produción.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
