Foz, 21 de decembro de 2021. O Concello de Foz recupera o servizo de Policía Local en horario de tardes a partir deste venres. Anunciouno hoxe, martes, o alcalde, Fran Cajoto, quen destaca que isto “é esencial para o Concello, que contará cun mínimo de 2 axentes por quenda”.
O rexedor municipal explica que “o servizo de Policía Local en horario de tardes farase de forma continua salvo causas excepcionais. Isto é posible grazas á incorporación definitiva de dous axentes, Sara e David, que xa nos acompañaron este verán e que remataron o seu período de prácticas. É fundamental para un concello como o noso contar con este servizo, xa que son innumerables as actuacións e casuísticas nas que intervén a Policía Local. A partir deste venres, día 24 de decembro, Foz contará con servizo de Policía en horario de mañás e tardes”.
Fran Cajoto engade que “respecto á relación de postos de traballo queda unicamente unha praza de Policía Local por cubrir, incluída na oferta de emprego público deste ano 2021 e que se incorporará á vindeira convocatoria da Axencia Galega de Seguridade Pública para selección de axentes, conforme ao convenio que asinou o Concello durante este mandato”.
O alcalde de Foz pide a colaboración cidadá: “co aumento de horas de presenza policial poderemos perseguir de forma máis efectiva as condutas incívicas. Un concello como Foz non se pode permitir deposicións de cans nas rúas, vertedoiros nos montes, lixo fóra dos contedores ou vehículos mal estacionados. Dispoñemos dun pobo ben fermoso que debemos coidar entre todas e todos. Hai habilitados aparcadoiros preto do centro e os carga e descarga deben reservarse para os servizos de transporte. Estou convencido de que a gran maioría é respectuosa e non podemos permitir que pola mala actuación duns poucos suframos todos as consecuencias”.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
