Coma o pé de foto dun periódico, quixera explicar o que hai detrás do Premio Nacional de Comercio, que valora o desenvolvemento de Acisa Ribadeo e a xerencia nos últimos 5 anos. Neste tempo realizamos mais de 250 actividades, colaboramos en mais de 60 eventos, firmamos mais de 30 convenios e xestionamos preto de 1 millón de euros en inversións, que puideron xerar cerca de 30 millóns de movemento na economía local.
Pero nada sería posible sen unha directiva proactiva, cunha capacidade de adaptación e paciencia infinita, suxeitos a presións e aos seus propios problemas, capaces de sacar a diante esta entidade nos peores momentos e poñéndoa na mellor situación, tanto económica como de prestixio. Gustaríame recoñecer a Manoli, Carmen, Jose, María Antonia, Roberto e a Paco a súa labor e agradecerlles a confianza depositada en min. E por suposto aos mais de 160 socios e socias, xa que sen a súa implicación, confianza e apoio de nada serviría todo canto facemos. Quero agradecer, a todos os que nos deron os parabéns e se alegraron por nos.
Un bo pé de foto soe deixar fora o que non se quere ensinar. ¿E se falamos do que non se ve? Dimes e diretes, calumnias, infamias, descalcificacións… É certo que xa debera estar acostumado a este tipo de maldades despois de mais de 5 anos, pero o meu traballo é cara o público, que non público, para ter que aguantar estas actitudes, que por certo, sempre veñen dende os mesmos ámbitos e ás costas. Todo isto non vai co cargo, porque non cobro un salario de deputado. Despois deste tempo e os poucos ou moitos logros acadados por Acisa, creo que merecemos un mínimo de respecto.
¡Pensa o ladrón que todos son da súa condición! Que me adueñei do premio din!, puiden contribuír, pero non é meu. Tamén algún me ascendeu a presidente adxunto ¡e eu sen decatarme! Cousas das redes sociais, certo, onde covardes tras un perfil falso, ben adoutrinados iso si, e alleos a esta entidade, dedícanse a esbardallar e outros/as, con certos cargos, comparten esas descualificacións… Tamén se está a dicir que sen certas axudas ou esmolas, segundo se mire, non seriamos nada. Por respecto á realidade creo que hai quen debería dedicarse ao seu e esquecerse desta entidade. Por certo, ¡pois non nos foi tan mal sen recibir un so euro xestionado por el! Vai sendo tempo de que, por moitos aires de grandeza que un crea ter, deixe de aproveitarse da labor que se fai dende o conxunto desta asociación.
Sempre me gustou unha boa novela de comedia, unhas risas nunca sobran, a pena é que nesta as personaxes sexan tan mediocres. Pero estas historias, van ter que ir rematando… Din que un vale mais polo que cala que polo que conta, e é moi certo. Poucos saben as horas, os desgustos, as preocupacións, os lamentos e incluso os incidentes… que hai detrás deste traballo.
Por certo ¿Por qué se está a promover unha directiva e unha xerencia novas dende certas esferas alleas á asociación? ¿Qué pasa que a actual non se deixa someter? Supoño que alguén bota de menos as fotos con nos ¡Tempos aqueles!
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
