Viveiro, 27 de decembro de 2021. O GALP A Mariña Ortegal, realizará a presentacion publica do proxecto audiovisual “Historia dos Estaleiros da Mariña Ortegal” o vindeiro 28 de Decembro as 19:00 no salón de actos da Casa de Cultura de Foz.
Esta presentación tamén pode ser seguida desde calquera outro lugar, xa que ó mesmo tempo se realizará a estrea a través da canle de youtube do Galp A Mariña Ortegal ou ben na dirección habilitada https://youtu.be/6Jtvhcnk-iE
O obxetivo deste proxecto é dar a coñecer o presente e pasado da industria naval na Mariña e Ortegal, ó longo da historia; un percorrido por todos aqueles pobos e concellos costeiros que ó longo do tempo tiveron relación con esta actividade.
Desde a carpintería de ribeira e as primeiras embarcacións de madeira construidas manualmente, ata os luxosos e exclusivos catamaráns de aluminio que se constrúen na actualidade.
Trátase de por en valor a tradición pesqueira, as artes de pesca, e un oficio artesanal que forma parte da cultura e patrimonio destas comarcas mariñeiras.
O video conta coa participación de 25 persoas que nos documentan os inicios da actividade aló polo século XVI ata a actualidade, destacando a época de maior desenvolvemento a mediados do século XX.
Desde Ribadeo a Cedeira, visitaremos portos e lugares onde se desenvolveu a actividade. Falaremos cos seus protagonistas que nos relatan en primeira persoa a sua propia experiencia, sobre todo durante a segunda metade do século pasado.
Exemplos coma Foz, que na década dos 60 chegou a ter cinco estaleiros traballando, e onde se botou a principios dos 90 o barco de pesca de madeira mais grande de Europa; ou San Ciprian, onde Francisco Frá, fiel a tradicción familiar desde hai séculos, manten vivo o oficio. Celeiro, O Vicedo, O Barqueiro, a ria de Ortigueira, con Sismundi e Feás, e o museo Mares de Cedeira son outras das localizacións visitadas.
Coñeremos a actualidade do sector nos varaderos de Burela e Celeiro, a construcción en fibra no polígono de Fazouro e en aceiro e ferro en Talleres Cillero. E rematamos a nosa viaxe en Astilleros Armón, buque insignia da construcción naval en Galicia, con recoñecentos e premios internacionais.
Imaxes do arquivo de Sergio López Maseda, asi coma outras fotografías antigas cedidas polos protagonistas, forman parte do video.
O documental de 72 minutos de duración foi realizado por Arracada Produccions, durante os meses de Maio a Decembro de 2021.
O Concello de Navia presenta este sábado 28 de febreiro, ás 12:00 h no Casino, o libro Tras las huellas de Campoamor en Alicante, de Luján Martínez Suárez. Ademais, adquiriu un valioso volume da RAE de 1865, que inclúe un discurso seu orixinal. O exemplar incorporarase á Biblioteca Municipal, ampliando o fondo dedicado ao poeta.
O Dúo Eclipse será o encargado de poñer a música nunha nova tarde-noite chea de ritmo, baile e bo ambiente no Guateque de Arruguiñas. A cita é este sábado, 28 de febreiro na Casa do Mar de San Cibrao ás 19:30 h. Ademais, o alumnado de 2º de Bacharelato, en colaboración coa Oficina de Voluntariado Xuvenil, ofrecerá bingo e chocolate para completar a festa. O evento conta tamén coa colaboración da Asociación de Xubilados Terramar.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
