Lugo, 28 de decembro de 2021. O Grupo Provincial do PP reiterou no pleno da Deputación o seu apoio aos sectores primario e da pesca. Así quedou de manifesto logo dos votos a favor da iniciativa do BNG sobre a defensa do sector de vacún de carne e de ser os autores da moción para instar ao goberno provincial a establecer axudas que potencien a pesca como recurso económico para a provincia e, dun xeito preciso, para a Mariña.
No primeiro dos casos, o deputado e alcalde de As Nogais, Jesús Núñez, puxo en valor a xestión de administracións como a Xunta de Galicia para a valorización da carne, sendo esta produción un elemento estratéxico na economía de zonas como a da Montaña. Así, o deputado popular destacou os plans de dinamización para aumentar a cadea de valor e o impulso dos nosos produtos por parte do Executivo de Feijóo, e que se demostra con iniciativas como demandar ao Goberno central incluír a Conta Láctea na Lei de cadea alimentaria, a posta en marcha da marca Galicia Calidade Alimentaria, así como as axudas directas ao sector, a Lei de recuperación da terra agraria ou o adianto do pagamento da PAC.
En contraposición, Jesús Nuñez afeou ao bipartito a falta de apoio neste senso por parte do Partido Socialista de Pedro Sánchez e convidou a todas as administracións a “escoitar ao sector, pois deben ser os gandeiros os que opinen nestes temas para tomar as decisións axeitadas”, sinalou o deputado do PP.
“O principal obxectivo para o futuro da provincia pasa posta en valor do produto sen alterar o equilibrio do sector que é o que pretenden vostedes”, criticou Núñez. A este respecto, remarcou que “debemos garantir a sostibilidade do sector contando cos axentes implicados e relacionados co proceso de produción. Debemos poñernos a disposición dos interesados para tomar as medidas oportunas que nos están reclamando”. Precisamente, con esta fin, o PP apoiou a iniciativa do Bloque Nacionalista Galego e “non imos facer como fixo o PSOE coa moción do sector lácteo”, concluíu.
PSOE e BNG en contra de axudar ao sector da pesca
No marco deste apoio aos sectores produtivos da provincia, o PP foi o único grupo político cun compromiso coa pesca da Mariña, que, en palabras do deputado e alcalde de O Vicedo, Jesús Novo, xera preto de 3.000 empregos directos e indirectos nesta comarca. E é que socialistas e nacionalistas tumbaron a moción dos populares, a través da que os representantes desta formación pedían unha maior implicación económica da Deputación para axudar á frota pesqueira a paliar os efectos da crise que se lles aveciña con medidas como a suba do gasoil, aplicada polo Goberno de Pedro Sánchez.
E todo elo, a sabendas de que os portos de Burela e de Celeiro moven o 20% da pesca de toda Galicia, explicou o deputado mariñao. Así, un barco do Gran Sol, que consume ao mes ao redor de 70.000 litros, a suba do diesel suponlle un desembolso de máis de 54.600 euros mensuais; aos pincheiros 31.000 euros e ao de baixura máis de 1.500. “Ningún barco deixa a ningún armador esta cantidade. É imposible. É inviable”, expuxo.
Por este motivo, dende o PP pedían a colaboración do organismo provincial, ao igual que o están a facer as institucións homólogas de A Coruña e Pontevedra que, para a pesca de baixura, conceden 411.000 e 250.000 euros, respectivamente. Pola contra, a de Lugo, malia incluír este sector no Plan Estratéxico de Subvencións, a cantidade que lle destina é igual a cero euros.
“O único que estamos pedindo é que se manteña o apoio doutros gobernos desta Deputación. Antes destinábanse a todas as confrarías entre 3.000 e 5.000 euros. Cando gobernou unha presidenta do PP esta cantidade ascendeu aos 19.000 e, agora con vostedes, o importe desaparece”. Por tanto, preguntoulles ás forzas de esquerda: “para que poñen vostedes a pesca en dito plan? Quíteno. O que demandamos son axudas para axudarlles a superar a crise provocada, por certo, por axentes externos e non polo sector”, concluíu.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
