Viveiro, 23 de febreiro de 2022. Os veciños de Xunqueira séntense esquecidos polo goberno local, presidido pola alcaldesa María Loureiro (PSOE). Así o expuxeron os directivos da asociación de veciños deste barrio de Viveiro na reunión que mantiveron co portavoz popular, Óscar Rodríguez, e outros representantes do PP. Dende o urbanismo ao aseo urbano, nada do que depende do Concello funciona debidamente en Xunqueira. Rodríguez di: “No PP esiximos ao goberno municipal que tome nota das queixas dos veciños, abandone a zona de confort na que está instalado e poña mans a obra de atender as necesidades desta parte de Viveiro”.
Os populares anuncian que desenvolverán iniciativas para comprobar en que momento está o plan especial de protección e reforma interior (Pepri) aprobado no seu día para Xunqueira. Os representantes da asociación de veciños din que dende que foi aprobado este plan, nada se fixo para desenvolvelo, pese a importancia que debera ter para a debida organización deste barrio, así como para a xestión de axudas a rehabilitación de edificios.
O portavoz popular faise eco doutra das queixas dos veciños, porque considera que pon de manifesto unha carencia especialmente grave. Segundo os veciños, por Xunqueira non pasa a servizo de limpeza de rúas, o polo menos non teñen constancia de que se preste tal servizo.
Outra das queixas expostas pola asociación veciñal e recollidas polos populares, segundo explica Rodríguez, é a que fai referencia á total falta de atención ao Camiño Real.
A reunión coa asociación de veciños de Xunqueira enmárcase, sinala Óscar Rodríguez, “nos contactos continuos que mantemos cos veciños de todo o municipio, no exercizo da escoita activa que o PP fai para coñecer de primeira man os problemas e buscar solucións”.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Conta con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibirán as súas pezas de tornería en madeira. Tamén acolle a XVIII edición da Exposición CONtornos. Entre os participantes, destaca a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Estímase que ata o domingo se acheguen a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
