Mondoñedo, 27 de febreiro, 2022. O Tribunal Supremo ha ditado dúas sentenzas, de datas de 8 e 9 de febreiro de 2022, que anulan os proxectos que serviron de base para a posta en funcionamento dos parques eólicos Sasdónigas, fase I e II.
O alto Tribunal rexeita os argumentos de Norvento orientados a evitar que se discutise no proceso a legalidade da Declaración de Impacto Ambiental (DIA) que analiza o impacto dos parques sobre o territorio. Sostiña a empresa que non cabe discutir a súa legalidade con motivo da impugnación do Proxecto Sectorial de Incidencia Supramunicipal cando serviu para conceder a autorización para a súa posta en funcionamento desde o punto de vista eléctrico.
Con todo, o Tribunal Supremo indica nas sentenzas que a propia normativa sobre avaliación ambiental “pon de manifesto a inconsistencia do argumento que se fai pola defensa da mercantil recorrente”, concluíndo que “a Administración autonómica non só podía, senón que debía tomar en consideración o contido da DIA”.
Confirma o Tribunal Supremo as sentenzas do Tribunal Superior de Xustiza de Galicia segundo as cales “nos atopamos coa división artificial dun único parque eólico en dúas fases. Así, no presente caso a DIA debería de ser realizada para o parque eólico incluíndo tamén o denominado “Parque Eólico Sasdónigas” (coñecido como Fase I) ademais do Parque Eólico Sasdónigas Fase II, posto que esta última carece dos elementos e equipamentos necesarios para ser considerada unha instalación independente da propia Fase I.
Como consecuencia do fraccionamento do proxecto, estima o Tribunal Supremo que tampouco se tivo en conta os efectos sinérxicos ou acumulativos de senllas fases do parque eólico “en conxunto” que comporta a nulidade da DIA e, como consecuencia diso, dos proxectos que serven de base á posta en funcionamento dos parques.
Confirma o Tribunal Supremo que a DIA tampouco valorou de forma correcta elementos de especial protección, tales como o Camiño de Santiago, un xacemento arqueolóxico e dúas lagoas.
Achaca que a Dirección Xeral do Patrimonio Cultural estimase compatible a instalación eléctrica co xacemento ao que afecta, en aberta contradición co Catálogo do Patrimonio Cultural de Galicia e do PXOM de Mondoñedo, “que parten da existencia contrastada dun xacemento arqueolóxico ao outorgárselle o máximo grao de protección e expresa prohibición de calquera uso que non tivese por obxecto a posta en valor do ámbito protexido.
Por outra banda, confirma o Tribunal Supremo a ilícita afectación ao Camiño de Santiago, que supón o feito de que un vial do parque eólico crúceo para servir de comunicación entre o Parque Eólico Sasdónigas (Fase I) e o Parque Eólico Sasdónigas Fase II. Segundo a sentenza, “é evidente, por tanto, que o tráfico rodado dentro dun tramo do Camiño de Santiago (o Camiño Norte que afecta o parque eólico, atópase delimitado polo Decreto 158/2014, do 27 de novembro) atópase totalmente vedado para os labores de mantemento dun parque eólico”. Norvento, segundo consta nas sentenzas ditadas polo Tribunal Superior de Xustiza de Galicia, alegou que os aeroxeradores resultaban “atractivos para os turistas”.
Por último, os maxistrados do Supremo confirman que se afecta tamén “a importantes recursos hídricos”, entre eles dúas lagoas.
Quedan en dúbida, pois, as declaracións que a compañía galega realizou no seu día sobre que a tramitación dos parques “efectuouse co máximo rigor, e total e absoluto respecto a todas as normas tanto estatais como autonómicas”. Especial mención ten neste caso. Como lembra o Tribunal Supremo, a Dirección Xeral do Patrimonio Cultural, no seu informe do 2 de xullo de 2012, consideraba que o Parque Eólico Fase I supoñía “unha grave afección sobre ou Camiño de Santiago, xa que unido ao Parque Eólico Sasdónigas fase I, xa existente e ao que dá continuidade, crea un único parque eólico que atravesa ou Camiño Norte”.
O letrado dos recorrentes, Ulises Bértolo, do gabinete xurídico Bermor Avogados, e a representante dos mesmos, a arquitecta Consolo Fernández-Reigosa, autora dos informes técnicos, estiman que “con estas dúas sentenzas o Tribunal Supremo sintan xurisprudencia e obrigan aos poderes públicos a observar unha maior esixencia e pulcritude na xestión da análise de riscos ambientais acumulados que afectan o territorio sobre o que se asintan este tipo de instalacións. Non é admisible que a avaliación ambiental admita como posible un uso que conculque abertamente a Lei de Patrimonio Cultural de Galicia e a protección propia do Camiño de Santiago, tal e como ocorreu no presente caso.”
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
