Cervo, 27 de febreiro de 2022. O deputado popular, José Manuel Balseiro, considera necesario promover un debate sobre a necesidade de simplificar o proceso de formación, así como a homologación de titulacións no ámbito marítimo pesqueiro. Con esta finalidade defenderá unha iniciativa na vindeira sesión da Comisión de Pesca do Parlamento galego prevista para a semana que comeza.
O parlamentario di que tanto os profesionais que deben enrolarse nos barcos, como as empresas armadoras, están sometidos a unha gran “carga administrativa” pola complexidade que na actualidade presenta o proceso de homologación da experiencia profesional para tripulantes e mandos, así como pola falta de flexibilidade dalgúns itinerarios formativos, problemática que se suma á escaseza de man de obra cualificada.
“Non é xusto, nin razoable, que un profesional do mar perda tempo e diñeiro en papeleo, cando hai demanda de emprego no sector e hai persoas cualificadas para desenvolver eses traballos, que teñen que estar meses de agarda para homologar os seus títulos ou acreditar a súa experiencia laboral. A administración ten que ser rigorosa, e garantir unha formación de calidade e suficiente, pero non actuar como un obstáculo”
NORMATIVA ESTATAL QUE PODE MELLORARSE
O tamén presidente da Comisión de Pesca e Marisqueo do Parlamento de Galicia di que o Ministerio de Agricultura, Pesca e Alimentación debe afrontar este debate e coordinar coas comunidades autónomas a fórmula que sirva para facer máis sinxelos e áxiles todos os trámites de obtención destes títulos e homologacións.
Na actualidade os títulos profesionais do sector pesqueiro están regulados no Real Decreto 36/2014, do 24 de xaneiro, que traspón á lexislación española o Convenio internacional sobre normas de formación titulación e garda para o persoal dos buques pesqueiros.
De xeito paralelo, a Lei Orgánica 5/2002, do 19 de xuño, das Cualificacións e da Formación Profesional, ten por obxecto a ordenación dun sistema integral de formación profesional, cualificacións e acreditacións, que responda con eficacia e transparencia ás demandas sociais e económicas a través das diversas modalidades formativas.
“Queda claro que as competencias básicas de ordenación nesta materia corresponden ao Ministerio competente en materia de pesca. A propia normativa permite á administración establecer os requisitos de acceso correspondentes a cada título, así como o camiño que debe seguirse para a homologar a experiencia laboral destes profesionais”.
Segundo explica Balseiro hai profesionais enrolados nos buques de pesca que pola súa experiencia e capacidade, sumándolle unha formación complementaria, poden realizar outras atribucións de maior complexidade, pero a dificultade nos procesos de homologación de títulos e a rigorosidade da actual sistema de formación náutico pesqueira fan que desistan no intento”.
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
A cita previa pode solicitarse a través do teléfono 981.928.080 ou da web 
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
