Santiago de Compostela, 28 de febreiro de 2022. A portavoz nacional do BNG, Ana Pontón, presentou unha batería de medidas urxentes contra o encarecemento do custe da vida e ante un IPC do 7,4%, o máis alto nos últimos 33 anos.
Pontón explicou que “hoxe é mais caro comprar produtos de primeira necesidade, encher o depósito de gasolina e usar a electricidade”. “Todas estas subas poñen en risco a recuperación económica e tanto a Xunta como o Goberno central -recalcou- non poden permanecer de brazos caídos”.
Entre as medidas presentadas polo BNG para frear as consecuencias do incremento do custe da vida, salientou no ámbito fiscal: “baixar o IVE dos produtos básicos, reducir temporalmente os impostos dos carburantes e rebaixar as peaxes en Galiza e no ámbito estatal.”
Asemade, recalcou que urxe “subir o IPC das prestacións sociais, da RISGA e o Salario Mínimo Vital (SMV) e posibilitar compaxinar ambas axudas”. A esta medida sumou tamén unha suba do IPC nos salarios e pensións e a revalorización das pensións non contributivas cun “complemento de 100 mensuais” que representa pasar de 400 a 500 euros.
Para a vivenda, o BNG propón incrementar as axudas á mocidade, “duplicando os fondos”, e contra o incremento dos custos enerxéticos reiterou que é necesario rematar cos “beneficios ás grandes eléctricas” coa creación dunha tarifa eléctrica galega.
Rotunda condena á cruenta invasión de Ucraína
Na súa intervención ante os medios de comunicación, Pontón reiterou a “condena rotunda á cruenta invasión de Ucraína” e mostrou a solidariedade do BNG á poboación. “Hai que buscar unha solución e a ONU e a Organización para a Seguridade e a Cooperación en Europa (OSCE), deben frear este conflito”, subliñou.
Por outra parte, anunciou que o BNG solicitará á Xunta que ofreza Galiza ás persoas refuxiadas.
Feixóo debe aclarar á cidadanía: Galiza ou o PP
A portavoz nacionalista asegurou que a situación de emerxencia económica e social obriga a Feixóo a aclarar se vai escoller ao PP utilizando a Galiza “como antesala das súa ambicións políticas” ou pensa dimitir. “Os galegos e as galegas non poden seguir esperando e debe responder canto antes se vai dimitir ou escollerá Génova”, advertiu.
“Nos últimos días -incidiu Pontón- o tema central que ocupou e preocupou a Feixóo foi tapar a corrupción do Partido Popular e as súas ambicións persoais”, polo que considerou obrigado que o presidente da Xunta comunique a súa decisión canto antes: “debe dicir se escolle Galiza ou o Partido Popular”, afirmou.
A portavoz nacional do BNG insistiu en que os galegos e as galegas merecen respecto e non ser os prexudicados das guerras internas do PP. “A menos de dous anos das eleccións e no medio dunha crise económica, demográfica e industrial, Galiza debe estar presente nos grandes asuntos políticos e se esta evolución xa era negativa cun presidente coa súa cabeza aquí, agora que ten a cabeza en Génova vai ser peor para Galiza”, alertou.
Para Pontón, se ate agora tiñamos un “goberno débil”, agora estamos ante un “presidente ausente” e, segundo concluíu, “non podemos seguir agardando polas súas ambicións persoais”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
