Santiago de Compostela, 3 de Marzo de 2022. A través dunha pregunta parlamentaria, a portavoz do BNG, Rosana Pérez trasladou ao goberno galego, a preocupación do sector pesqueiro polo impacto dos proxectos eólicos mariños. Rosana Pérez reclamou declarar Galiza, “espazo libre para a implantación de parques eólicos mariños”.
Para o BNG, dixo, existe un grande “silencio e falta de transparencia” e no Parlamento galego mesmo descoñecemos os debates do Observatorio da Eólico Mariño, na súa opinión, de maneira premeditada para beneficiar os interese do goberno galego.
A deputada lembrou que o pasado mes de decembro, o conselleiro de Economía, Empresa e Innovación, Francisco Conde, afirmou no marco da V Edición do congreso, Galician Offshore International Hub, celebrado en Ferrol, que existía “un diálogo frutífero e consenso co sector pesqueiro marítimo galego ” para atopar as localización máis adecuadas para o desenvolvemento desta enerxía.
A deputada explicou que as declaracións de Conde foron criticadas días máis tarde por un representante do Consello Galego de Pesca no Observatorio da Eólica Mariña de Galiza, que, rotundamente negou “tal acordo” sobre posibles zonas e recalcou que o sector considera “incompatible” a eólica mariña coa pesca e cos ecosistemas mariños.
Neste sentido, a deputada acusou ao goberno de “manipulación” por facer público un acordo que non existe ademais de desvirtuar a posición do Observatorio e o sector pesqueiro.
Por outra banda, engadiu que tampouco existen estudos sobre o impacto dos posibles parques eólicos mariños nos caladoiros.
Tras a intervención da Directora xeral de Planificación Enerxética e Recurso naturais, Paula Uría que confirmou que non procede avaliar ningún proxecto mentres o goberno central non aprobe as zonas, a parlamentaria do BNG replicou que tanto os grupos parlamentarios como a sociedade descoñece os traballos do Observatorio, nin os acordos xa tomados a este respecto.
“Si realmente, como acaba de afirmar ‘non procede avaliar a implantación dos proxectos concretos mentres o Goberno central non aprobe as zonas’ porqué o vicepresidente da Xunta afirma que existe consenso sobre as localizacións co sector pesqueiro”? preguntou.
Para a deputada, senón procede avaliar ningún proxecto concreto porque son analizadas as zonas? a non ser, recalcou que a verdadeira intención do goberno galego sexa primeiro avaliar as zonas para despois implantar os proxectos eólicos.
A deputada do BNG tamén preguntou polos termos do acordo asinado polo Presidente da Xunta e os presidentes de Asturias e Cantabria para impulsar a enerxía eólica e se o acordo será remitido aos grupos parlamentarios que o solicitaron. A Directora Xeral de Planificación enerxética da Xunta eludiu responder á solicitude da nacionalista.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
