Viveiro, 3 de marzo de 2022. O Concello de Viveiro, a Xunta de Cofradías da Semana Santa e a Banda de Nuestra Señora de la Misericordia participarán, o vindeiro 13 de marzo, nos actos do quinario da Cofradía de Nuestro Padre Jesús Cautivo y Nuestra Señora del Rosario Doloroso de Sevilla.
Estes actos de colaboración celebraranse na igrexa de San Ignacio de Loyola, que tamén é sede da Irmandade, onde na mañá do domingo 13 de marzo está prevista a presentación da Semana Santa de Viveiro e do Concello de Viveiro. Neste acto intervirán María Loureiro, alcaldesa de Viveiro, e José Veiga Golpe, presidente da Xunta de Cofradías de Semana Santa. Para esta presentación tamén está prevista a proxección dun vídeo sobre Viveiro e a súa Semana Santa, así como a exposición de estandartes e hábitos de distintas cofradías e irmandades para mostralos no interior do templo.
Tras as intervencións, terá lugar o concerto da Banda Nuestra Señora de la Misericordia, que leva anos traballando incansablemente para adaptar marchas doutras rexións coa finalidade de incluílas na Semana Santa de Viveiro e que xa ten participado e colaborado noutras presentacións en Zamora e Granada.
Con motivo desta colaboración, desprazaranse a Sevilla a alcaldesa e varios membros da Xunta de Cofradías da Semana Santa, encabezados polo seu presidente, José Veiga Golpe. Tamén asistirán os integrantes da Banda Nuestra Señora de la Misericordia, xunto co seu presidente, Martín Trigo Pérez, grazas aos cales xurdiu a posibilidade de realizar esta colaboración.
Dende o goberno municipal valórase positivamente esta colaboración, considerando que é un fito importante para a Semana Santa de Viveiro e o Concello de Viveiro poder presentar a nosa tradición e o noso municipio nunha cidade de tan longa tradición cofrade, agradecendo a disposición e acollida da Irmandade sevillana para participar nestes actos de confraternidade.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
